- Ёлген аслан – сау чычхан.
- Татлы сёз – балдан татлы.
- Ашха уста, юйюнде болсун
- Тил джюрекге джол ишлейди.
- Айтханы чапыракъдан ётмеген.
- Ойнай билмеген, оюн бузар.
- Ашхы тенг джолгъа салыр, аман тенг джолдан тайдырыр.
- Кёбню кёрген – кёб билир.
- Иги адам абынса да, джангылмаз.
- Этим кетсе да, сюегим къалыр.
- Ашда уялгъан – мухар, ишде уялгъан – хомух.
- Чакъырылмагъан къонакъ – орунсуз.
- Ётюрюкню башын керти кесер.
- Гыдай эчки суугъа къараб, мюйюзле кёрмесе, джашма алкъын, дегенди.
- Айтылгъан сёз ызына къайтмаз.
- Кеси юйюмде мен да ханма.
- Окъуу – билимни ачхычы, окъуу – дунияны бачхычы.
- Къартны сыйын кёрмеген, къартлыгъында сыйлы болмаз.
- Юйюнгден чыкъдынг – кюнюнгден чыкъдынг.
- Ач, тоймам, дейди, тойгъан, ач болмам, дейди.
- Ата джурт – алтын бешик.
- Ариу сёз джыланны орнундан чыгъарыр.
- Алтыннга тот къонмаз.
- Малны кют, джерни тюрт.
- Джашынгы кесинг юретмесенг, джашау юретир.
- Бозаны арты дауур болур.
- Аман киши кеси юйюнде – къонакъ.
- Тыш элде солтан болгъандан эсе, кесинги элде олтан болгъан игиди!
- Ёксюзню къалачы уллу кёрюнюр.
- Джырчы ёлсе, джыры къалыр.
- Байлыкъ адамны сокъур этер.
- Бал – татлы, балдан да бала – татлы.
- Сабий кёргенин унутмаз.
- Къуллукъчума, деб махтанма, къуллукъ – хаух джамчыды!
- Къазанны башы ачыкъ болса, итге уят керекди.
- Чомартны къолу берекет.
- Къызбайны юйюне дери сюрсенг, батыр болур.
- Адам боллукъ, атламындан белгили болур.
- Ишленмеген джаш – джюгенсиз ат, ишленмеген къыз – тузсуз хант.
- Адеб джокъда, намыс джокъ.
- Эри аманны, къатыны – аман.
- Кирсизни – саны таза, халалны – къаны таза.
- Терек ауса, отунчу – кёб.
- Тилсиз миллет джокъ болур.
- Эр сокъур болсун, къатын тилсиз болсун.
- Онгсузну – джакъла, тенгликни – сакъла.
- Тили узунну, намысы – къысха.
- Джаным-тиним – окъуу, билим.
- Джахил болса анасы, не билликди баласы?
- Сёз къанатсыз учар.