Эльбрусоид :: Эльбрусоид

Тойгъанлыкъ къойгъа джарашады.
Тамырсыз терекге таянма – джыгъылырса.
Джахил болса анасы, не билликди баласы?
Мадар болса, къадар болур.
Чакъырылмагъан къонакъ къачан кетерин сормаз.
Иги адамны бир сёзю эки болмаз.
Келлик заман – къартлыкъ келтирир, кетген заман – джашлыкъ ёлтюрюр.
Кютгени беш эчки, сызгъыргъаны уа, джерни джарады.
Эки къатын алгъан – эки ташны ортасына башын салгъан.
Аллахдан тилесенг, кёб тиле.
Керек ташны ауурлугъу джокъ.
Таш ата билмеген, башына урур.
Чакъырылгъанны аты, чакъырылмагъанны багъасы болур.
Адам бла мюлк юлешмеген эсенг, ол адамны билиб бошагъанма, деб кесинги алдама.
Дженгил джетерикме деб, узун джолну къоюб, къысхасын барма.
Иги – алгъыш этер, аман – къаргъыш этер.
Къулакъдан эсе, кёзге ышан.
Игиге айтсанг – билир, аманнга айтсанг – кюлюр.
Ашхы болсанг, атынг чыгъар, аман болсанг, джанынг чыгъар.
Элде адам къалмаса, ит тахтагъа минер.
Джарлыны эшигин махтагъан джабар.
Сёлеш деб шай берген, тохта деб, сом берген.
Джырчы ёлсе, джыры къалыр.
Сабий кёргенин унутмаз.
Кёбге таш атма.
Къонакъ хазыр болгъанлыкъгъа, къонакъбай хазыр тюлдю.
Кёб къычыргъандан – къоркъма, тынч олтургъандан – къоркъ.
Уллу сёлешме да, уллу къаб.
Бек ашыкъгъан меннге джетсин, дегенди аракъы.
Ата – билек, ана – джюрек!
Узун джолну барсанг, бюгюн келирсе, къысха джолну барсанг, тамбла келирсе.
Къайтырыкъ эшигинги, къаты уруб чыкъма.
Джашны джигитлиги сорулур, къызны джигерлиги сорулур.
Суу кетер, таш къалыр.
Ауругъан – джашаудан умутчу.
Кёбден умут этиб, аздан къуру къалма.
Къумурсхала джыйылсала, пилни да джыгъадыла.
Кёб джашагъан – кёб билир.
Ачлыкъ отха секиртир.
Эркишини аманы тиширыуну джылатыр.
Керилген да, ургъан кибикди.
Кийим тукъум сордурур.
Термилгенинги табмазса, кюлгенинге тюберсе.
Къыйынлы джети элни къайгъысын этер.
Эл бла кёргенинг эрелей.
Гырджын – тепсини тамадасы.
Экеу тутушса, биреу джыгъылыр.
Ауузу бла къуш тута айланады.
Тойчу джашха къарама, къойчу джашха къара.
Ашхы тенг джолгъа салыр, аман тенг джолдан тайдырыр.