- Иги болса, тамадама – махтау, аман болса, меннге – айыб.
- Кюл тюбюндеги от кёрюнмейди.
- Билмегенинги, билгеннге сор.
- Къызын тута билмеген, тул этер, джашын тута билмеген, къул этер.
- Аманнга да, игиге да оноусуз къатышма.
- Кёб джат да, бек чаб.
- Ургъан суудан башынгы сакъла.
- Ётюрюкден тюбю джокъ, кёлтюрюрге джиби джокъ.
- Чомарт джарлы болмаз.
- Бир онгсуз адам адет чыгъарды, деб эштирик тюлсе.
- Ашха уста, юйюнде болсун
- Окъугъанны бети джарыкъ.
- Юйюнгден чыкъдынг – кюнюнгден чыкъдынг.
- Джан саулукъ бермей, сан саулукъ бермезсе.
- Ашхы атаны – джашы ашхы, ашхы ананы – къызы ашхы.
- Эллинг бла джау болсанг да, юйюнг бла джау болма.
- Джылыгъа джылан илешир.
- Арбаз къынгырды да, ийнек сауалмайма.
- Бастасын ашагъан, хантусун да ичер.
- Джарашыу сюйген – джалынчакъ.
- Джарлыны тону джаз битер.
- Адамны артындан къара сабан сюрме.
- Окъуусуз билим – джокъ, билимсиз кюнюнг – джокъ.
- Мураты болгъанны джюрек тебюую башхады.
- Нарт сёз – тилни бети.
- Элге къуллукъ этмеген, элге ие болмаз.
- Насыблы элин сюер, насыбсыз кесин сюер.
- Джашлыкъ этмеген, башлыкъ этмез.
- Ёлюк кебинсиз къалмаз.
- Кюн кёрмеген, кюн кёрсе, кюндюз чыракъ джандырыр.
- Кёб джашагъан – кёб билир.
- Къуллукъчума, деб махтанма, къуллукъ – хаух джамчыды!
- Хантына кёре тузу, юйюне кёре къызы.
- Байны къызы баймакъ болса да, юйде къалмаз!
- Терслик кетер, тюзлюк джетер.
- Сабий болмагъан джерде, мёлек болмаз.
- Байлыкъ тауусулур, билим тауусулмаз.
- Гугук кесини атын айтыб къычыргъанча, мен, мен деб нек тураса?
- Аман адамны тепсинге олтуртсанг, къызынгы тилер.
- Ёлген эшек бёрюден къоркъмайды.
- Игини сыйлагъан адетди.
- Уллу атлама – абынырса, уллу къабма – къарылырса.
- Баргъанынга кёре болур келгенинг.
- Иги бла джюрюсенг, джетерсе муратынга, аман бла джюрюсенг, къалырса уятха.
- Тиширыусуз юй – отсуз от джагъа.
- Сакъламагъан затынга джолукъсанг, не бек къууанаса, не бек ачыйса.
- Чыбыкълыкъда бюгюлмеген, къазыкълыкъда бюгюлмей эди.
- Телини эшигин, махтау джабар.
- Ауругъаннга – кийик саулукъ, джетген къызгъа – чилле джаулукъ.
- Джюрекден джюрекге джол барды.