Эльбрусоид :: Эльбрусоид

Билим къая тешер.
Ишни аллы бла къууанма да, арты бла къууан.
Халкъгъа джарагъан, джарлы къалмаз.
Уллу сёлешме да, уллу къаб.
Къатын къылыкъсыз, эр тынчлыкъсыз.
Тёзгеннге, джабылгъан эшик ачылыр.
Джол бла сёзню къыйыры джокъ.
Иши джокъну, сыйы джокъ.
Шапа кёб болса, аш татымсыз болур.
Экеулен сёлеше тура эселе, орталарына барыб кирме.
Ата джурт – алтын бешик.
Джарлыны эшигин махтагъан джабар.
Минг тенг да азды, бир джау да кёбдю.
Намысы болмагъанны, сыйы болмаз.
Къолу уллу – асыу, аягъы уллу – джарсыу.
Ашыкъгъан cуу, тенгизге джетмез.
Ач отунчуну ачыуу – бурнунда.
Тюз сёз баргъан сууну тыяр.
Джолунга кёре – джюрюшюнг, джагъанга кёре – юлюшюнг.
Чыбыкълыкъда бюгюлмеген, къазыкълыкъда бюгюлмей эди.
Мухардан ач ычхынмаз.
Тил – кесген бычакъ, сёз – атылгъан окъ.
Ач да бол, токъ да бол – намысынга бек бол.
Уллу суу бла уллу ауруудан башынгы сакъла.
Чабакъсыз кёлге къармакъ салгъанлыкъгъа, чабакъ тутмазса.
Керти сёзге тёре джокъ.
Байлыкъ келсе, акъыл кетер.
Хазыр ашха – терен къашыкъ.
Душманны тышы – акъ, ичи – къара.
Ханнга да келеди хариблик.
Ашда уялгъан – мухар, ишде уялгъан – хомух.
Къозулугъунда тоймагъан, къойлугъунда тоймаз.
Кийимни бичсенг, кенг бич, тар этген къыйын тюлдю.
Баш – акъыл ючюн, акъылман – халкъ ючюн.
Эркишиге тары кебек танг кёрюнюр.
Башсыз урчукъ тюзюне айланмаз.
Адам къаллай бир ишленмесе, аллай бир кесин уллу кёреди.
Ачлыкъ отха секиртир.
Эки къатын алгъан – эки ташны ортасына башын салгъан.
Насыб бютеу халкъны юлюшюдю.
Айтылгъан буйрукъ, сёгюлмез
Эллинг бла джау болсанг да, юйюнг бла джау болма.
Къазанда болса, чолпугъа чыгъар.
Кесинг сынамагъан затны, адамгъа буюрма.
Айтханы чапыракъдан ётмеген.
Къарнынг ауруса, ауузунгу тый
Рысхы – насыбха къор.
Билими азны – ауузунда кирит.
Къайгъыны сюйген, къайгъы табар.
Хаухну атма, ёнгкючню сатма.