Эльбрусоид :: Эльбрусоид

Ана къолу ачытмаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Билмезни кёзю кёрмез, этмезни къулагъы эшитмез.
Ашарыкъда сайлагъаннга – чий гырджын.
Аллахха ийнаннган кишини, Аллах онгдурур ишин.
Чабар ат – джетген къыз.
Кёпюр салгъан кеси ётер, уру къазгъан кеси кетер.
Джаралыны джастыгъында сау ёлюр.
Ач, тоймам, дейди, тойгъан, ач болмам, дейди.
Къатын къылыкъсыз, эр тынчлыкъсыз.
Къарт бла баш аша, джаш бла аякъ аша.
Ашхы атаны – джашы ашхы, ашхы ананы – къызы ашхы.
Шекер бла туз – бир болмаз, ушамагъан – юй болмаз.
Байны къызы баймакъ болса да, юйде къалмаз!
Онгсузну – джакъла, тенгликни – сакъла.
Чакъырылмагъан къонакъ къачан кетерин сормаз.
Таш бла ургъанны, аш бла ур.
Эри аманны, къатыны – аман.
Джеринден айырылгъан – джети джылар, джуртундан айырылгъан – ёлгюнчю джылар.
Этни бети бла шорпасы.
Сабий кёргенин унутмаз.
Джахил болса анасы, не билликди баласы?
Къан бла кирген, джан бла чыгъар.
Ата – баланы уясы.
Илму – джашауну джолу.
Рысхы – сют юсюнде кёмюк кибикди.
Къарнынг бла ёч алма.
Джашда акъыл джокъ, къартда къарыу джокъ.
Къарт айтханны этмеген, къартаймаз.
Тюзню ётмеги тюзде къалса да, тас болмаз.
Айырылгъанланы айю ашар, бёлюннгенлени бёрю ашар.
Чабакъсыз кёлге къармакъ салгъанлыкъгъа, чабакъ тутмазса.
Ургъан суудан башынгы сакъла.
Джаным-тиним – окъуу, билим.
Ауругъан – джашаудан умутчу.
Таукел тауну аудурур.
Юйюнг бла джау болгъандан эсе, элинг бла джау бол.
Къарнынг тойгъунчу аша да, белинг талгъынчы ишле.
Акъыллы башны – тили къысха.
Чыкълы кюнде чыкъмагъан, чыкъса къуру кирмеген.
Огъурлуну сёзю – суу, огъурсузну сёзю – уу.
Ата Джуртча джер болмаз, туугъан элча эл болмаз.
Къазанчы аман болса, къазаны къайнамаз.
Къанны къан бла джуума, аманны аман бла къуума.
Чабакъгъа акъыл, табагъа тюшсе келеди.
Нафысынгы айтханын этме, намысынгы айтханын эт.
Эшекни не къадар тюйсенг да, ат болмаз.
Кёб джат да, бек чаб.
Адамны аманы адамны бети бла ойнар.
Магъанасыз сёз – тауушсуз сыбызгъы.