- Адам боллукъ, атламындан белгили болур.
- Келинин тута билмеген, къул этер, къызын тута билмеген, тул этер.
- Тил бла келеди джыр да.
- Акъыллы эркиши атын махтар, акъылсыз эркиши къатынын махтар.
- Джарашыу сюйген – джалынчакъ.
- Айранны сюйген, ийнек тутар.
- Азыгъы аз, алгъа къабар, аты аман, алгъа чабар.
- Джюрекге ариу – кёзге да ариу.
- Кёлсюзден сёзсюз тууар.
- Ач уят къоймаз.
- Ауругъан – джашаудан умутчу.
- Кюн кёрмеген, кюн кёрсе, кюндюз чыракъ джандырыр.
- Айыбны суу бла джууалмазса.
- Тамчы таш тешер.
- Айран тёгюлсе, джугъусу къалыр.
- Ауурну тюбю бла, дженгилни башы бла джюрюген.
- Ата джурт – алтын бешик.
- Бичгенде ашыкъма, тикгенде ашыкъ.
- Айырылгъанланы айю ашар, бёлюннгенлени бёрю ашар.
- Ётюрюкню къуйругъу – бир тутум.
- Бастасын ашагъан, хантусун да ичер.
- Адам туугъан джеринде, ит тойгъан джеринде.
- Чабакъ башындан чирийди.
- Телиге от эт десенг, юйюнге от салыр.
- Алтыда кюлмеген, алтмышда кюлмез.
- Джиби бир къат джетмей эди да, эки къат тарта эди.
- Бойнуму джети джерден кессенг да, мен ол ишни этеллик тюлме.
- Бек ашыкъгъан меннге джетсин, дегенди аракъы.
- Тёрдеги кюлсе, эшикдеги ышарыр.
- Джукъу тёшек сайламайды.
- Ач келгенни – тойдур, кеч келгенни – къондур.
- Ёзденликни кёбю ётюрюк.
- Къоркъакъны кёзю экили кёрюр.
- Киштикге къанат битсе, чыпчыкъ къалмаз эди.
- Бети бедерден, намыс сакълама.
- Тели турса – той бузар.
- Эки элинги тыйсанг, джети элде махталырса.
- Ачлыкъда тары гырджын халыуадан татлы.
- Ургъан суудан башынгы сакъла.
- Ашда – бёрю, ишде – ёлю.
- Ауругъанны сау билмез, ач къарынны токъ билмез.
- Тёрени джагъы джокъ.
- Мураты болгъанны джюрек тебюую башхады.
- Тойгъа барсанг, тоюб бар, эски тонунгу къоюб бар.
- Рысхы – сют юсюнде кёмюк кибикди.
- Кеси юйюмде мен да ханма.
- Накъырда – кертини келечиси.
- Къарыусузгъа кюлме, онгсузгъа тийме.
- Арба аугъандан сора, джол кёргюзтюучю кёб болур.
- Джарлы джети элни сёзюн этер.