Эльбрусоид :: Эльбрусоид

Чакъырылмагъан къонакъ тёрге атламаз.
Эринчекге кюн узун.
Билим насыб берир, билим джолну керир.
Кёзден кетген, кёлден да кетеди.
Тили узунну, намысы – къысха.
Бозанг болмагъан джерге, къалагъынгы сукъма.
Нарт сёз – тилни бети.
Атлыны кёрсе, джаяуну буту талыр.
Гырджын – тепсини тамадасы.
Къартны сыйын кёрмеген, къартлыгъында сыйлы болмаз.
Эртде тургъан джылкъычыны эркек аты тай табар.
Иги сеники эсе да, сюйген кесимикин этеме.
Къайгъы тюбю – тенгиз.
Рысхысына кёре, джаш ёсер, къышлыгъына кёре, мал ёсер.
Ашатыргъа иш – ашхы, ишлетирге аш – ашхы.
Ханнга да келеди хариблик.
Адамны аманы адамны бети бла ойнар.
Эри аманны, къатыны – аман.
Аш кетер да бет къалыр.
От кюйдюрген, сау болса да, тот кюйдюрген, сау болмаз.
Адамны аты башхача, акъылы да башхады.
Окъумагъан сокъурду, сокъур ташха абыныр!
Тойгъанлыкъ къойгъа джарашады.
Арба аугъандан сора, джол кёргюзтюучю кёб болур.
Халкъны джырын джырласанг, халкъ санга эжиу этер.
Атадан ёксюз – бир ёксюз, анадан ёксюз – эки ёксюз.
Тамырсыз терекге таянма – джыгъылырса.
Агъач халкъгъа алтынды, иссиликге салкъынды.
Тура эдим джата, къайдан чыкъды хата?
Ушамагъан – джукъмаз.
Юйюнг бла джау болгъандан эсе, элинг бла джау бол.
Билимли ёлмез, билимсиз кёрмез.
Ашын ашагъанынгы, башын да сыйла.
Термилгенинги табмазса, кюлгенинге тюберсе.
Чалманны аллы къалай башланса, арты да алай барады.
Къарнынг тойгъунчу аша да, белинг талгъынчы ишле.
Бастасын ашагъан, хантусун да ичер.
Къулакъдан эсе, кёзге ышан.
Билим къая тешер.
Ёпкелегенни ашы татлы болады.
Кёзню ачылгъаны – иги, ауузну джабылгъаны – иги.
Сибиртки да сыйлы болду, кюрек да кюнлю болду.
Башланнган иш битер, къымылдагъан тиш тюшер.
Юре билмеген ит, къонакъ келтирир.
Ишлегенден, къарагъан уста.
Ариу – кёзге, акъыл – джюрекге.
Кёлю джокъну – джолу джокъ.
Аман къатын сабий табса, бий болур…
Эски джаугъа ышанма.
Ачылгъан эт джабылыр, кёрген кёз унутмаз.