Эльбрусоид :: Эльбрусоид

Кёлсюзден сёзсюз тууар.
Тешигини къатында, чычхан да батыр болур.
Акъыл сабырлыкъ берир.
Кийим тукъум сордурур.
Эл ауузу – элек, анга ийнаннган – халек.
Бал – татлы, балдан да бала – татлы.
Элге къуллукъ этмеген, элге ие болмаз.
Уллу къашыкъ эрин джыртар.
Бойнуму джети джерден кессенг да, мен ол ишни этеллик тюлме.
Туз, гырджын аша, тюзлюк бла джаша.
Дууулдаса – бал чибин, къонса – къара чибин.
Акъыллы башны – тили къысха.
Ариу сёз джыланны орнундан чыгъарыр.
Ат да турмайды бир териде.
Ауругъаннга – кийик саулукъ, джетген къызгъа – чилле джаулукъ.
Аурууну келиую тынч, кетиую – къыйын.
Къарнынг тойгъунчу аша да, белинг талгъынчы ишле.
Къалгъан ишге къар джауар.
Иги адамны бир сёзю эки болмаз.
Джаз бир кюнню джатсанг, къыш талай кюнню абынырса.
Джылар джаш, атасыны сакъалы бла ойнар.
Аман киши кеси юйюнде – къонакъ.
Къонагъынгы артмагъын алма да, алгъышын ал.
Джырчы ёлсе, джыры къалыр.
Адебсиз адам – джюгенсиз ат.
Баланы адам этген анады.
Биреуню эскиси биреуге джангы болмайды.
«Ма», - дегенни билмесенг, «бер», - дегенни билмезсе.
Ойнай билмеген, оюн бузар.
Чабакъсыз кёлге къармакъ салгъанлыкъгъа, чабакъ тутмазса.
Бек анасы джыламаз.
Этни бети бла шорпасы.
Къозулугъунда тоймагъан, къойлугъунда тоймаз.
Къарын къуру болса, джюрек уру болур.
Агъач – джерни чырайы, кийим – эрни чырайы.
Къызын тута билмеген, тул этер, джашын тута билмеген, къул этер.
Джетген къыз джерли эшекни танымаз.
Ургъан суудан башынгы сакъла.
Ариу джол аджал келтирмез.
Эл тойса, тоймагъан, эл къойса, къоймагъан.
Малны кют, джерни тюрт.
Махтаннган къыз, тойда джукълар.
Ач, тоймам, дейди, тойгъан, ач болмам, дейди.
Джаш болсун, къыз болсун, акъылы, саны тюз болсун.
Зарда марда джокъ.
Эр сокъур болсун, къатын тилсиз болсун.
Эски джаугъа ышанма.
Кюлме джашха – келир башха.
Окъуу – билимни ачхычы, окъуу – дунияны бачхычы.
Башсыз урчукъ тюзюне айланмаз.