Эльбрусоид :: Эльбрусоид

Адам сёзге тынгыла, акъыл сёзню ангыла.
Агъач халкъгъа алтынды, иссиликге салкъынды.
Адеб этмеген, адеб кёрмез.
Ана къойну – балагъа джандет.
Адебсиз адам – джюгенсиз ат.
Бал чибинни ургъаны – ачы, балы – татлы.
Гырджын – тепсини тамадасы.
От кюйдюрген, сау болса да, тот кюйдюрген, сау болмаз.
Малны кют, джерни тюрт.
Джарлы джети элни сёзюн этер.
Ашда – бёрю, ишде – ёлю.
Ёлген аслан – сау чычхан.
Келлик заман – къартлыкъ келтирир, кетген заман – джашлыкъ ёлтюрюр.
Къолу уллу – асыу, аягъы уллу – джарсыу.
Киштикге къанат битсе, чыпчыкъ къалмаз эди.
Халкъны джырын джырласанг, халкъ санга эжиу этер.
Джырына кёре эжиую.
Адеб базарда сатылмаз.
Иги бла джюрюсенг, джетерсе муратынга, аман бла джюрюсенг, къалырса уятха.
Татлы сёз – балдан татлы.
Къонакъ хазыр болгъанлыкъгъа, къонакъбай хазыр тюлдю.
Тынгылагъан тынгы бузар.
Эринчекни эр алмаз, эр алса да, кёл салмаз, кёл салса да, кёб бармаз!
Адамны бетине къарама, адетине къара.
Ёлген эшек бёрюден къоркъмайды.
Ханнга да келеди хариблик.
Биреуню тёрюнден, кесинги эшик артынг игиди.
Эркишини аманы тиширыуну джылатыр.
Азыгъы аз, алгъа къабар, аты аман, алгъа чабар.
Шапа кёб болса, аш татымсыз болур.
Джауумдан сора, кюн кюйдюрюр, ётюрюкден сора, айыб кюйдюрюр.
Ашхы болсанг, атынг чыгъар, аман болсанг, джанынг чыгъар.
Элни кючю – эмеген.
Ашхылыкъ джерде джатмайды, аманлыкъ суугъа батмайды.
Гитче джилтин уллу элни джандырыр.
Иги джашны ышаны – аз сёлешиб, кёб тынгылар.
Ауурну тюбю бла, дженгилни башы бла джюрюген.
Кирсизни – саны таза, халалны – къаны таза.
Чомартха Тейри да борчлуду.
Атынг аманнга чыкъгъандан эсе, джанынг тамагъынгдан чыкъсын.
Ышармагъан – кюлмез, кюлмеген – къууанчны билмез.
Бермеген къол, алмайды.
Урама да – ёледи, сатама да – келеди.
Тёрде – темир таякълы, къаяда – чыпчыкъ аякълы.
Ашхы тенг джолгъа салыр, аман тенг джолдан тайдырыр.
Уллу къашыкъ эрин джыртар.
Чалманны аллы къалай башланса, арты да алай барады.
Кимни – тили, тиши онглу, кимни – къолу, иши онглу.
Гугурук къычырмаса да, тангны атары къалмаз.
Уясында не кёрсе, учханында аны этер.