- Джашны джигитлиги сорулур, къызны джигерлиги сорулур.
- Термилгенинги табмазса, кюлгенинге тюберсе.
- Дженгил джетерикме деб, узун джолну къоюб, къысхасын барма.
- Агъач – джерни чырайы, кийим – эрни чырайы.
- Къарнынг къанлынга кийирир.
- Аш хазыр болса, иш харам болур.
- Аманнга игилик этсенг, юйюнге сау бармазса.
- Билим – акъылны чырагъы.
- Ашхы сёз таш тешер.
- Тил – кесген бычакъ, сёз – атылгъан окъ.
- Чоюнну башы ачыкъ болса, итге уят керекди.
- Атынг аманнга чыкъгъандан эсе, джанынг тамагъынгдан чыкъсын.
- Алгъанда – джууукъ, бергенде – джау.
- Ата – баланы уясы.
- Кюлме джашха – келир башха.
- Билими азны – ауузунда кирит.
- Тил джюрекге джол ишлейди.
- Гыдай эчки суугъа къараб, мюйюзле кёрмесе, джашма алкъын, дегенди.
- Башынга джетмегенни сорма.
- Аман къатын алгъан, арыр, иги къатын алгъан джарыр.
- Ашатыргъа иш – ашхы, ишлетирге аш – ашхы.
- Аз сёлешген, къайгъысыз турур.
- Эки ойлашыб, бир сёлешген.
- Бозаны арты дауур болур.
- Тели турса – той бузар.
- Хаухну атма, ёнгкючню сатма.
- Накъырда – кертини келечиси.
- Ушамагъан – джукъмаз.
- Юйюнгден чыкъдынг – кюнюнгден чыкъдынг.
- Къая джолда джортма, ачыкъ сёзден къоркъма.
- Адамны аты башхача, акъылы да башхады.
- Таякъ этден ётер, тил сюекден ётер.
- Джол бла сёзню къыйыры джокъ.
- Азыкъ аз болса, эртде орун сал.
- Ауузу бла къуш тута айланады.
- Ханы къызы буюгъа-буюгъа киштик болду.
- Баш – акъыл ючюн, акъылман – халкъ ючюн.
- Биреуню эскиси биреуге джангы болмайды.
- Татлы тилде – сёз ариу, чемер къолда – иш ариу.
- Аз айтсам, кёб ангылагъыз.
- Джюрекге ариу – кёзге да ариу.
- Ач къалгъандан, кеч къалгъан къолай.
- Сёз сёзню айтдырыр.
- Джигер – джаннга къыйынлыкъ.
- Билгенни къолу къарны джандырыр.
- Окъумагъан сокъурду, сокъур ташха абыныр!
- Къонагъы джокъну – шоху джокъ.
- Шайтан алдады, тюзлюк къаргъады.
- Ауругъан – джашаудан умутчу.
- Арба аугъандан сора, джол кёргюзтюучю кёб болур.