Эльбрусоид :: Эльбрусоид

Эл бла кёргенинг эрелей.
Къобан да къуру да къобханлай турмайды, адам да къуру да патчахлай турмайды.
Къонакъны къачан кетерин сорма, къачан келлигин сор.
Тилсиз миллет джокъ болур.
Аман эсирсе, юйюн ояр.
Ач, тоймам, дейди, тойгъан, ач болмам, дейди.
Къызгъанчдан ычхыныр, мухардан ычхынмаз.
Акъыллы башны – тили къысха.
Сууда джау джокъ, кёб сёзде магъана джокъ.
Адам туугъан джеринде, ит тойгъан джеринде.
Къыйынлы джети элни къайгъысын этер.
Ётюрюкню къуйругъу – бир тутум.
Окъдан джара эртде-кеч болса да бителир, сёз джара, ёмюрге къалыр.
Ётюрюк хапар аякъ тюбю бла джюрюйдю.
Чёбню кёлтюрсенг, тюбюнден сёз чыгъар.
Эки элинги тыйсанг, джети элде махталырса.
Чомартны къолун джокълукъ байлар.
Чакъырылгъанны аты, чакъырылмагъанны багъасы болур.
Аман киши кеси юйюнде – къонакъ.
Зар адам ашынгы ашар, кесинги сатар.
Ашына кёре табагъы, балына кёре къалагъы.
Таякъ этден ётер, тил сюекден ётер.
Иги сёз – джаннга азыкъ, аман сёз башха – къазыкъ.
Ёксюзню къалачы уллу кёрюнюр.
Эл элде бирер малынг болгъандан эсе, бирер тенгинг болсун.
Ауругъан – джашаудан умутчу.
Мал кёб болса, джууукъ кёб болур.
Къызбайны юйюне дери сюрсенг, батыр болур.
Къолу уллу – асыу, аягъы уллу – джарсыу.
Джаралыны джастыгъында сау ёлюр.
Алтыннга тот къонмаз.
Нарт сёз къарт болмаз.
Тыш элде солтан болгъандан эсе, кесинги элде олтан болгъан игиди!
Джаш къарыу бла кючлю, къарт акъыл бла кючлю.
Чомарт къолда мал къалмаз.
Сютден ауузу кюйген, суугъа юфгюре эди.
Ишлегенден, къарагъан уста.
Ариу сёз – къылычдан джити.
Чомартха хар кюн да байрамды.
Айранны сюйген, ийнек тутар.
От этилмеген джерден тютюн чыкъмайды.
Ауругъаннга – кийик саулукъ, джетген къызгъа – чилле джаулукъ.
Ишленмеклик адамлыкъды.
Керек ташны ауурлугъу джокъ.
Азыкъ аз болса, эртде орун сал.
Ариуну – ауруу кёб.
Аман хансны – урлугъу кёб.
Кирсизни – саны таза, халалны – къаны таза.
Уясында не кёрсе, учханында аны этер.
Акъыл къартда, джашда тюйюлдю – башдады.