Эльбрусоид :: Эльбрусоид

Бек анасы джыламаз.
Иги адамны бир сёзю эки болмаз.
Къарт болгъан джерде, берекет болур, сабий болгъан джерде, оюн болур.
Ач къарным, тынч къулагъым.
Ач да бол, токъ да бол – намысынга бек бол.
Джылкъыдан – ат чыгъар, тукъумдан – джаш чыгъар.
Эл элде бирер малынг болгъандан эсе, бирер тенгинг болсун.
Адамны артындан къара сабан сюрме.
Ишлегенде эринме, ишде чолакъ кёрюнме.
Къатын къылыкъсыз, эр тынчлыкъсыз.
Иги бла джюрюсенг, джетерсе муратынга, аман бла джюрюсенг, къалырса уятха.
Мадар болса, къадар болур.
«Ёгюз, джаргъа джууукъ барма, меннге джюк боллукъса», - дегенди эшек.
Сёз – кюмюш, джыр – алтын.
Тин – байлыгъынг, терен саулугъунг.
Азыгъы аз, алгъа къабар, аты аман, алгъа чабар.
Айтылгъан буйрукъ, сёгюлмез
Окъуусуз билим – джокъ, билимсиз кюнюнг – джокъ.
Айран тёгюлсе, джугъусу къалыр.
Кёбден умут этиб, аздан къуру къалма.
Тиширыусуз юй – отсуз от джагъа.
Кийиминг бла танылма, адамлыкъ бла таныл.
Бичгенде ашыкъма, тикгенде ашыкъ.
Аллахха ийнаннган кишини, Аллах онгдурур ишин.
Къозулугъунда тоймагъан, къойлугъунда тоймаз.
Сууда джау джокъ, кёб сёзде магъана джокъ.
Телини эшигин, махтау джабар.
Итли къонакъ джарашмаз.
Ёпкелегенни ашы татлы болады.
Кёл ашады да, кеси ашады.
Эри аманны, къатыны – аман.
Аджал соруб келмез, келсе, къайтыб кетмез.
Дууулдаса – бал чибин, къонса – къара чибин.
Экиндини кеч къылсанг, чабыб джетер ашхам.
Аджалсыз ёлюм болмаз.
Джангыз торгъай джырламаз.
Кёзден кетген, кёлден да кетеди.
Ишлерге уял да, ашаргъа табма.
Адамгъа аман кюн соруб келмейди.
Этек чакъмакълары баш джаргъан, сёлешген сёзлери таш джаргъан.
Уллу атлама – абынырса, уллу къабма – къарылырса.
Ойнай-ойнай кёз чыгъар.
Къонакъ аз олтурур, кёб сынар.
Мухар, кеси тойса да, кёзю тоймаз.
Тенгни тенглиги джашай барсанг билинир.
Ойнаб айтсанг да, эслеб айт.
Къайтырыкъ эшигинги, къаты уруб чыкъма.
Сакъ юйюне сау барыр.
Тешик этген тынчды, аны джамагъан къыйынды.
Тёрде – темир таякълы, къаяда – чыпчыкъ аякълы.