- Болджал ишни бёрю ашар.
- Мадар болса, къадар болур.
- Къонакъ хазыр болгъанлыкъгъа, къонакъбай хазыр тюлдю.
- Кёкдеги болмаса, джердегин кёрмейди.
- Бермеген къол, алмайды.
- Башынга джетмегенни сорма.
- Кюн – узун, ёмюр – къысха.
- Биреуню тёрюнден, кесинги эшик артынг игиди.
- Агъач – джерни чырайы, кийим – эрни чырайы.
- Къобан да къуру да къобханлай турмайды, адам да къуру да патчахлай турмайды.
- Рысхы – насыбха къор.
- Сабийликде юретмесенг, уллу болса – тюзелмез.
- Хансыз джомакъ болмаз.
- Чабакъсыз кёлге къармакъ салгъанлыкъгъа, чабакъ тутмазса.
- Адебсиз адам – джюгенсиз ат.
- Айтхан – тынч, этген – къыйын.
- Бойнуму джети джерден кессенг да, мен ол ишни этеллик тюлме.
- Джырчы ёлсе, джыры къалыр.
- Малны кют, джерни тюрт.
- Окъуу – билимни ачхычы, окъуу – дунияны бачхычы.
- Ач къалгъандан, кеч къалгъан къолай.
- Иги адам абынса да, джангылмаз.
- Тил – кесген бычакъ, сёз – атылгъан окъ.
- Суу да къайтады чыкъгъан джерине.
- Джылкъыдан – ат чыгъар, тукъумдан – джаш чыгъар.
- Бозаны арты дауур болур.
- Экеу тутушса, биреу джыгъылыр.
- Таугъа чыгъаллыкъ эсенг, тюзде къалма.
- Джашны джигитлиги сорулур, къызны джигерлиги сорулур.
- Тиширыусуз юй – отсуз от джагъа.
- Окъ къызбайны джокълайды.
- Игилик игилик бла сингдирилиучю затды.
- Тилчи тилден къаныкъмаз.
- Эрни эр этерик да, къара джер этерик да, тиширыуду.
- Къарны аманнга къазан такъдырма, къолу аманнга от джакъдырма.
- Ёлген ийнек сютлю болур.
- Джаралыны джастыгъында сау ёлюр.
- Бозанг болмагъан джерге, къалагъынгы сукъма.
- Бёрю да ач къалмасын, эчки да ашалмасын.
- Эте билген, этген этеди, эте билмеген, юретген этеди!
- Суу ичген шауданынга тюкюрме.
- Суугъа – чабакъ, къаягъа – ыргъакъ.
- Киштикге къанат битсе, чыпчыкъ къалмаз эди.
- Ётюрюкчюню шагъаты – къатында.
- Джашда акъыл джокъ, къартда къарыу джокъ.
- Джырчы джырчыгъа – къарнаш.
- Адебни адебсизден юрен.
- Ишленмеген джаш – джюгенсиз ат, ишленмеген къыз – тузсуз хант.
- Окъумагъан сокъурду, сокъур ташха абыныр!
- Бети – къучакълар, джюреги – бычакълар.