Эльбрусоид :: Эльбрусоид

Билимсиз иш бармаз.
Тыш элде солтан болгъандан эсе, кесинги элде олтан болгъан игиди!
Эркиши – от, тиширыу – суу.
Насыб бютеу халкъны юлюшюдю.
Юй ишлеген балта эшикде къалыр.
Джюз элде джюз ёгюзюм болгъандан эсе, джюз джууугъум болсун.
Кесинге джетмегенни, кёб сёлешме.
Ёзденликни джайгъан – джокълукъ.
Къарнынг бла ёч алма.
Бет бетге къараса, бет да джерге къарар.
Ашхылыкъ джерде джатмайды, аманлыкъ суугъа батмайды.
Чыкълы кюнде чыкъмагъан, чыкъса къуру кирмеген.
Ач отунчуну ачыуу – бурнунда.
Къан бла кирген, джан бла чыгъар.
Къонакъ аз олтурур, кёб сынар.
Иги сеники эсе да, сюйген кесимикин этеме.
Окъугъан – асыу, окъумагъан – джарсыу.
Чомарт бергенин айтмаз.
Бети – къучакълар, джюреги – бычакълар.
Намысы джокъну – дуниясы джокъ.
Ариу сёз – къылычдан джити.
Уллу къазанда бишген эт, чий къалмаз.
Сабийни джумушха джибер да, ызындан бар.
Къатын байлыкъны сюер, эр саулукъну сюер.
Алтыда кюлмеген, алтмышда кюлмез.
Малны кют, джерни тюрт.
Эки къатын алгъан – эки ташны ортасына башын салгъан.
Сёз – кюмюш, джыр – алтын.
Къарнынг къанлынга кийирир.
Къонакъ кёб келюучю юйню, къазаны отдан тюшмез.
Мухардан ач ычхынмаз.
Терслик кетер, тюзлюк джетер.
Бир абыннган – минг сюрюнюр.
Чыбыкълыкъда бюгюлмеген, къазыкълыкъда бюгюлмей эди.
Суугъа – таянма, джаугъа – ийнанма.
Сакъ юйюне сау барыр.
Джаралыны джастыгъында сау ёлюр.
Накъырданы арты керти болур.
Сютден ауузу кюйген, суугъа юфгюре эди.
Къайтырыкъ эшигинги, къаты уруб чыкъма.
Тёгюлген тюгел джыйылмайды.
Эркишиге тары кебек танг кёрюнюр.
Тёрени джагъы джокъ.
Дуния мал дунияда къалады.
Азыкъ аз болса, эртде орун сал.
Тау башында, тау болмаз, джангыз терек, бау болмаз.
Эр сокъур болсун, къатын тилсиз болсун.
Телини эшигин, махтау джабар.
Нарт сёз – тилни бети.
Чоюнну башы ачыкъ болса, итге уят керекди.