- Хата – гитчеден.
- Эл тойса, тоймагъан, эл къойса, къоймагъан.
- Эшекге миннген – биринчи айыб, андан джыгъылгъан – экинчи айыб.
- Тюзлюк тас болмайды.
- Сууда джау джокъ, кёб сёзде магъана джокъ.
- Абынмазлыкъ аякъ джокъ, джангылмазлыкъ джаякъ джокъ.
- Ач къарным, тынч къулагъым.
- Кёпюр салгъан кеси ётер, уру къазгъан кеси кетер.
- Къайгъыны сюйген, къайгъы табар.
- Эркишиге тары кебек танг кёрюнюр.
- Эл элде бирер малынг болгъандан эсе, бирер тенгинг болсун.
- Аман хансны – урлугъу кёб.
- Байма, деб да, къууанма, джарлыма, деб да, джылама.
- Эринчекни эр алмаз, эр алса да, кёл салмаз, кёл салса да, кёб бармаз!
- Джашны джигитлиги сорулур, къызны джигерлиги сорулур.
- Ёпкелегенни ашы татлы болады.
- Намыс сатылыб алынмайды.
- Суу кетер, таш къалыр.
- Бир абыннган – минг сюрюнюр.
- Асхат ашлыкъ сата, юйдегиси ачдан къата.
- Ишлерге уял да, ашаргъа табма.
- Джаным-тиним – окъуу, билим.
- Ана – юйню кюн джарыгъы.
- Тай асырагъан, атха минер.
- Джырына кёре эжиую.
- Ашлыкъ – бюртюкден, джюн – тюкден.
- Арба аугъандан сора, джол кёргюзтюучю кёб болур.
- Этим кетсе да, сюегим къалыр.
- Борчунг бар эсе, хурджунунга ойлаб узал.
- Насыблы элин сюер, насыбсыз кесин сюер.
- Кесинге джетмегенни, кёб сёлешме.
- Нарт сёз къарт болмаз.
- Садакъачыны джаны – къапчыгъында.
- Ариу сёз – къылычдан джити.
- Кёкдеги болмаса, джердегин кёрмейди.
- Ётюрюкню къуйругъу – бир тутум.
- Тёзгеннге, джабылгъан эшик ачылыр.
- Джарашыу сюйген – джалынчакъ.
- Хоншуну тауугъу къаз кёрюнюр, келини къыз кёрюнюр.
- Джерни букъусу кёкге къонмаз.
- Кесине гебен этелмеген, биреуге черен эте эди.
- Элге къуллукъ этмеген, элге ие болмаз.
- Экеулен сёлеше тура эселе, орталарына барыб кирме.
- Айтхан – тынч, этген – къыйын.
- Джол бла сёзню къыйыры джокъ.
- Тилчиден кери бол.
- Къанны къан бла джуума, аманны аман бла къуума.
- Нёгерсизни джолу узун.
- Аманны эки битли тону болур, бирин сеннге кийдирир, бирин кеси киер.
- Дуния аламаты сен эсенг да, игиме деб айтма.