- Башда акъыл болмаса, эки аякъгъа кюч джетер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джашны джигитлиги сорулур, къызны джигерлиги сорулур.
- Ишни аллы бла къууанма да, арты бла къууан.
- Кёзю сокъурдан – къоркъма, кёлю сокъурдан – къоркъ.
- Бети къызарыучу адамны, джюреги харам болмаз.
- Акъыл къартда, джашда тюйюлдю – башдады.
- Алим болгъандан эсе, адам болгъан къыйынды.
- Таш ата билмеген, башына урур.
- Ашда – бёрю, ишде – ёлю.
- Ушамагъан – джукъмаз.
- Битмегеннге сакъал – танг.
- Аман эсирсе, юйюн ояр.
- Бир абыннган – минг сюрюнюр.
- Чарсда алчыны эл кёреди.
- Тенгинг джокъ эсе – изле, бар эсе – сакъла!
- Кийиминг бла танылма, адамлыкъ бла таныл.
- Ачны эсинде – аш.
- Таукел адам тау тешер.
- Тай асырагъан, атха минер.
- Джарлы эскисин джамаса, къууаныр.
- Эл тойса, тоймагъан, эл къойса, къоймагъан.
- Олтуруб кёрюнмей эди да, ёрге туруб кёрюне эди.
- Хаухну атма, ёнгкючню сатма.
- Джюз элде джюз ёгюзюм болгъандан эсе, джюз джууугъум болсун.
- Огъурлуну сёзю – суу, огъурсузну сёзю – уу.
- Акъыл аздырмаз, билим тоздурмаз.
- Намыс сатылыб алынмайды.
- Адамны сабийин сюйген джюреги, бычакъча, джитиди.
- Кюлме джашха – келир башха.
- Шекер бла туз – бир болмаз, ушамагъан – юй болмаз.
- Ашаса, ашамаса да, бёрюню ауузу – къан.
- Аш иеси бла татлыды.
- Къызын тута билмеген, тул этер, джашын тута билмеген, къул этер.
- Шапа кёб болса, аш татымсыз болур.
- Окъуусуз билим – джокъ, билимсиз кюнюнг – джокъ.
- Сёз къанатсыз учар.
- Орундукъ тюбюнде атылсам да, орта джиликме, де да айлан.
- Хантына кёре тузу, юйюне кёре къызы.
- Халкъгъа джарагъан, джарлы къалмаз.
- Эшекге миннген – биринчи айыб, андан джыгъылгъан – экинчи айыб.
- Иги сеники эсе да, сюйген кесимикин этеме.
- Элиб деген, элге болушур.
- Ышармагъан – кюлмез, кюлмеген – къууанчны билмез.
- Юйюнг бла джау болгъандан эсе, элинг бла джау бол.
- Кесине оноу эте билмеген, халкъына да эте билмез.
- Уллу атлама – абынырса, уллу къабма – къарылырса.
- Тюзлюк тас болмайды.
- Башынга джетмегенни сорма.
- Бети бедерден, намыс сакълама.