- Зар адам ашынгы ашар, кесинги сатар.
- Эли джокъну – кёлю джокъ.
- Иги сеники эсе да, сюйген кесимикин этеме.
- Джарлы эскисин джамаса, къууаныр.
- Адамны сабийин сюйген джюреги, бычакъча, джитиди.
- Аман хансны – урлугъу кёб.
- Ханнга да келеди хариблик.
- Кёбню кёрген – кёб билир.
- Ана – юйню кюн джарыгъы.
- Ётген ёмюр – акъгъан суу.
- Кёб ант этген, кёб ётюрюк айтыр.
- Тик ёргени, тик энгишгеси да болады.
- Адамгъа аман кюн соруб келмейди.
- Аллахдан тилесенг, кёб тиле.
- Аз сёлешген, къайгъысыз турур.
- Къонакъ болсанг, ийнакъ бол.
- Чёбню кёлтюрсенг, тюбюнден сёз чыгъар.
- Керти сёзге тёре джокъ.
- Джангызны оту джарыкъ джанмаз!
- Къартха ушагъан джаш – акъыллы, джашха ушагъан къарт – тели.
- Ойнай-ойнай кёз чыгъар.
- Этни да ашады, бетни да ашады.
- Чомарт бергенин айтмаз.
- Ишлерге уял да, ашаргъа табма.
- Айранын берсенг, челегин да къызгъанма.
- Алгъанда – джууукъ, бергенде – джау.
- Экиндини кеч къылсанг, чабыб джетер ашхам.
- Иги адамны бир сёзю эки болмаз.
- Кийим тукъум сордурур.
- Ишин билген, аны сыйын чыгъарады.
- Тойгъандан сора, ашны сёкме.
- Ач къалгъандан, кеч къалгъан къолай.
- Айраннга суу къош, телиге джол бош.
- Эртде тургъан джылкъычыны эркек аты тай табар.
- Кесинге джетмегенни, кёб сёлешме.
- Ёзденликни кёбю ётюрюк.
- Сакъалы текени да бар, мыйыгъы киштикни да бар.
- Къонакъны къачан кетерин сорма, къачан келлигин сор.
- Тура эдим джата, къайдан чыкъды хата?
- Душманны тышы – акъ, ичи – къара.
- Керилген да, ургъан кибикди.
- Атлыны кёрсе, джаяуну буту талыр.
- Тилчи бир сагъатха айлыкъ хата этер.
- Биреуню тёрюнден, кесинги эшик артынг игиди.
- Байлыкъдан саулукъ ашхыды.
- Адеб этмеген, адеб кёрмез.
- Бет бетге къараса, бет да джерге къарар.
- Биреуню къыйынлыгъы бла кесинге джол ишлеме.
- Ёлюр джаннга, ёкюл джокъ.
- Ургъан суудан башынгы сакъла.