- Ёксюзню тилеги къабыл болур.
- Кийиминг бла танылма, адамлыкъ бла таныл.
- Иги болса, тамадама – махтау, аман болса, меннге – айыб.
- Джарлы джети элни сёзюн этер.
- Рысхы – сют юсюнде кёмюк кибикди.
- Хаухну атма, ёнгкючню сатма.
- Кёлсюзден сёзсюз тууар.
- Билеги кючлю, бирни джыгъар, билими кючлю, мингни джыгъар.
- Кёб джат да, бек чаб.
- Сютню башын джалагъан къутулур, тюбюн ичген тутулур.
- Кийимни бичсенг, кенг бич, тар этген къыйын тюлдю.
- Тешик этген тынчды, аны джамагъан къыйынды.
- Эртде тургъан джылкъычыны эркек аты тай табар.
- Халкъны джырын джырласанг, халкъ санга эжиу этер.
- Ургъан суудан башынгы сакъла.
- Ач келгенни – тойдур, кеч келгенни – къондур.
- Бермеген къол, алмайды.
- Адамны артындан къара сабан сюрме.
- Биреуню тёрюнден, кесинги эшик артынг игиди.
- Къазанны башы ачыкъ болса, итге уят керекди.
- Термилгенинги табмазса, кюлгенинге тюберсе.
- Ушамагъан – джукъмаз.
- Атадан ёксюз – бир ёксюз, анадан ёксюз – эки ёксюз.
- Къайгъыны сюйген, къайгъы табар.
- Тойгъан джерден туугъан джер игиди.
- Сёз садакъдан кючлюдю.
- Бюгюн дуния кибик, тамбла ахыратды.
- Келинни – келгинчи, бёркню кийгинчи кёр.
- Мухар, кеси тойса да, кёзю тоймаз.
- Чомарт бергенин айтмаз.
- Ариу сёз – къылычдан джити.
- Аман къатын алгъан, арыр, иги къатын алгъан джарыр.
- Сагъышы джокъ – джукъучу, акъылы джокъ – къаугъачы.
- Ашыкъгъан cуу, тенгизге джетмез.
- Аман къатын сабий табса, бий болур…
- Ашхы болсанг, атынг чыгъар, аман болсанг, джанынг чыгъар.
- Тёрдеги кюлсе, эшикдеги ышарыр.
- Аман киши кеси юйюнде – къонакъ.
- Сакъалы текени да бар, мыйыгъы киштикни да бар.
- Тёгюлген тюгел джыйылмайды.
- Тешигини къатында, чычхан да батыр болур.
- Айтхан сёзюне табылгъан.
- Адеб джокъда, намыс джокъ.
- Ауругъанны сау билмез, ач къарынны токъ билмез.
- Таукел къуру къалмаз.
- Нёгер болсанг, тенг бол, тенг болмасанг, кенг бол.
- Ёлген ийнек сютлю болур.
- Иши джокъну, сыйы джокъ.
- Кёзню ачылгъаны – иги, ауузну джабылгъаны – иги.
- Къарт бла баш аша, джаш бла аякъ аша.