- Ашлыкъны арба юйге келтирир, чана базаргъа элтир.
- Айырылмаз джууугъунга, унутмаз сёзню айтма.
- Суу да къайтады чыкъгъан джерине.
- Юйюнгден чыкъдынг – кюнюнгден чыкъдынг.
- Юреннген ауруу къалмаз.
- Ариуну – ауруу кёб.
- Бичгенде ашыкъма, тикгенде ашыкъ.
- Минг тенг да азды, бир джау да кёбдю.
- Тил – миллетни джаны.
- Таякъ этден ётер, тил сюекден ётер.
- Артына баргъанны, къатына барма.
- Нарт сёз – тилни бети.
- Ариу сёз джыланны орнундан чыгъарыр.
- Ауругъан – джашаудан умутчу.
- Aдам боллукъ, сыфатындан белгили.
- Кийим тукъум сордурур.
- Бал чибинни ургъаны – ачы, балы – татлы.
- Мени джылытмагъан кюн, меннге тиймесин!
- Мухар, кеси тойса да, кёзю тоймаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ач къарным, тынч къулагъым.
- Намысы болмагъанны, сыйы болмаз.
- Элде адам къалмаса, ит тахтагъа минер.
- Ашатыргъа иш – ашхы, ишлетирге аш – ашхы.
- Къартны бурнун сюрт да, оноугъа тут.
- Аш берме да, къаш бер.
- Чомарт бергенин айтмаз.
- Нёгер болсанг, тенг бол, тенг болмасанг, кенг бол.
- Сютню башын джалагъан къутулур, тюбюн ичген тутулур.
- Эркишиге тары кебек танг кёрюнюр.
- Таукелге нюр джауар.
- Берекет берсин деген джерде, берекет болур.
- Ургъан суудан башынгы сакъла.
- Джаным-тиним – окъуу, билим.
- Алим болгъандан эсе, адам болгъан къыйынды.
- Дженгил джетерикме деб, узун джолну къоюб, къысхасын барма.
- Мал тутхан – май джалар.
- Эл тойса, тоймагъан, эл къойса, къоймагъан.
- Айныгъанлы алты кюн, тогъайгъанлы тогъуз кюн.
- Келинин тута билмеген, къул этер, къызын тута билмеген, тул этер.
- Биреуге кёлтюрген таягъынг, кесинги башынга урур.
- Аманнга игилик этсенг, юйюнге сау бармазса.
- Билими азны – ауузунда кирит.
- Билимли ёлмез, билимсиз кёрмез.
- Насыб бютеу халкъны юлюшюдю.
- Кийимни бичсенг, кенг бич, тар этген къыйын тюлдю.
- Джумушакъ сёз къаты таякъны сындырыр.
- Аманнга алтын чыдамаз.
- Сакъалы текени да бар, мыйыгъы киштикни да бар.
- Азыкъ аз болса, эртде орун сал.