Эльбрусоид :: Эльбрусоид

Билеги кючлю, бирни джыгъар, билими кючлю, мингни джыгъар.
Сабийни джумушха джибер да, ызындан бар.
Эки ойлашыб, бир сёлешген.
Чакъырылмагъан къонакъ къачан кетерин сормаз.
Кёб къычыргъандан – къоркъма, тынч олтургъандан – къоркъ.
Чыкълы кюнде чыкъмагъан, чыкъса къуру кирмеген.
Окъугъанны бети джарыкъ.
Ачлыкъ отха секиртир.
Тыш элде солтан болгъандан эсе, кесинги элде олтан болгъан игиди!
Чабар ат – джетген къыз.
Ёзденликни кёбю ётюрюк.
Уясында не кёрсе, учханында аны этер.
Къыз чыгъаргъан – къызыл къымжа.
Минг тенг да азды, бир джау да кёбдю.
Сагъыш – къартлыкъгъа сюйюмчю.
Суугъа – таянма, джаугъа – ийнанма.
Ишленмеклик адамлыкъды.
Бал ашаргъа сюе эсенг, чибин ургъаннга тёз.
Тойгъандан сора, ашны сёкме.
Ашарыкъда сайлагъаннга – чий гырджын.
Ашха уста, юйюнде болсун
Зарда марда джокъ.
Ат басханны джер билед.
Эки къатын алгъан – эки ташны ортасына башын салгъан.
Айранны сюйген, ийнек тутар.
Халкъгъа джарагъан, джарлы къалмаз.
Ашлыкъ – бюртюкден, джюн – тюкден.
Аууз сакълагъан – джан сакълар.
Къолунгдан къуймакъ ашатсанг да, атаны борчундан къутулмазса.
Чалманны аллы къалай башланса, арты да алай барады.
Билген билмегенни юретген адетди.
Чомарт бергенин айтмаз.
Аманны тукъумуна къарама, игини тукъумун сорма.
Итли къонакъ джарашмаз.
Терслик кетер, тюзлюк джетер.
Джыгъылгъанны сырты джерден тоймаз.
Ойнай билмеген, оюн бузар.
Къуру гыбыт бек дыгъырдар.
Адамны сыфатына къарама, сёзюне къара.
Ышармагъан – кюлмез, кюлмеген – къууанчны билмез.
Хар зат кесини орнуна иги.
Ашхы болсанг, атынг чыгъар, аман болсанг, джанынг чыгъар.
Айтхан сёзюне табылгъан.
Алма терегинден кери кетмез.
Ашын ашагъанынгы, башын да сыйла.
Аман адам этегингден тутса, кес да къач.
Джаш къарыу бла кючлю, къарт акъыл бла кючлю.
Бал – татлы, балдан да бала – татлы.
Керек ташны ауурлугъу джокъ.
Билими азны – ауузунда кирит.