- Адам боллукъ, атламындан белгили болур.
- Кёлсюзден сёзсюз тууар.
- Эки элинги тыйсанг, джети элде махталырса.
- Гитче джилтин уллу элни джандырыр.
- Тенгинг джокъ эсе – изле, бар эсе – сакъла!
- Байлыкъдан саулукъ ашхыды.
- Таукелге нюр джауар.
- Хантына кёре тузу, юйюне кёре къызы.
- Аз сёлеш, кёб ишле.
- Атынг аманнга чыкъгъандан эсе, джанынг тамагъынгдан чыкъсын.
- Ичимден чыкъды хата, къайры барайым сата?
- Юйюнгден чыкъдынг – кюнюнгден чыкъдынг.
- Ашхы – джыяр, аман – джояр.
- Айранны сюйген, ийнек тутар.
- Кюн – узун, ёмюр – къысха.
- Ата Джуртун танымагъан, атасын да танымаз.
- Хазыр ашха – терен къашыкъ.
- Ишлегенден, къарагъан уста.
- Аш берме да, къаш бер.
- Ишленмеген джаш – джюгенсиз ат, ишленмеген къыз – тузсуз хант.
- Эр сокъур болсун, къатын тилсиз болсун.
- Ат басханны джер билед.
- Хата – гитчеден.
- Намысы джокъну – дуниясы джокъ.
- Эртде тургъан джылкъычыны эркек аты тай табар.
- Эринчекге кюн узун.
- Джылкъыдан – ат чыгъар, тукъумдан – джаш чыгъар.
- Джашны джигитлиги сорулур, къызны джигерлиги сорулур.
- Чомартны къолу берекет.
- Суу ичген шауданынга тюкюрме.
- Кийим тукъум сордурур.
- Ашарыкъда сайлагъаннга – чий гырджын.
- Халкъгъа джарагъан, джарлы къалмаз.
- Ауругъанны сау билмез, ач къарынны токъ билмез.
- Тойгъан джерден туугъан джер игиди.
- Сагъышы джокъ – джукъучу, акъылы джокъ – къаугъачы.
- Джарлы джети элни сёзюн этер.
- Алтыннга тот къонмаз.
- Душманны тышы – акъ, ичи – къара.
- Джаз бир кюнню джатсанг, къыш талай кюнню абынырса.
- Къралынгы – душмандан, башынгы от бла суудан сакъла.
- Нёгер болсанг, тенг бол, тенг болмасанг, кенг бол.
- Къарнынг къанлынга кийирир.
- Ётюрюкню къуйругъу – бир тутум.
- Бёрю да ач къалмасын, эчки да ашалмасын.
- Чакъырылмагъан къонакъ къачан кетерин сормаз.
- Башы ишлегенни, ауузу да ишлер.
- Таукел къуру къалмаз.
- Ёлюк кебинсиз къалмаз.
- Танг атмайма десе да, кюн къоярыкъ тюйюлдю.