Эльбрусоид :: Эльбрусоид

Ач, тоймам, дейди, тойгъан, ач болмам, дейди.
Адамны джюреги нени кёрюрге сюйсе, кёзю да аны кёрюрге ёч болады.
Таш бла ургъанны, аш бла ур.
Тойну къарнашы – харс, джырны къарнашы – эжиу.
Мадар болса, къадар болур.
Бал чибинни ургъаны – ачы, балы – татлы.
Азыкълы ат арымаз, къатыны аман джарымаз.
Ачны эсинде – аш.
Хата – гитчеден.
Къуру гыбыт бек дыгъырдар.
Нёгерсизни джолу узун.
Махтаннган къыз, тойда джукълар.
Тенгинг джокъ эсе – изле, бар эсе – сакъла!
Танг атмайма десе да, кюн къоярыкъ тюйюлдю.
Ашхылыкъ джерде джатмайды, аманлыкъ суугъа батмайды.
Эллинг бла джау болсанг да, юйюнг бла джау болма.
Сёз къанатсыз учар.
Тай асырагъан, атха минер.
Аман адамны тепсинге олтуртсанг, къызынгы тилер.
Хаухну атма, ёнгкючню сатма.
Тыш элде солтан болгъандан эсе, кесинги элде олтан болгъан игиди!
Кюн кёрмеген, кюн кёрсе, кюндюз чыракъ джандырыр.
Эл элде бирер малынг болгъандан эсе, бирер тенгинг болсун.
Бир абыннган – минг сюрюнюр.
Байны оноуу, джарлыгъа джарамаз.
Ашлыкъ – бюртюкден, джюн – тюкден.
Хар адамгъа кеси миннген тау кибик.
Чомарт джарлы болмаз.
Ишни аллы бла къууанма да, арты бла къууан.
Сакъалы текени да бар, мыйыгъы киштикни да бар.
Чомартха хар кюн да байрамды.
Бети – къучакълар, джюреги – бычакълар.
Къыз чыгъаргъан – къызыл къымжа.
Аманны къуугъан, аманлыкъ табар.
Айырылмаз джууугъунга, унутмаз сёзню айтма.
Джуртун къоругъан озар.
Таугъа чыгъаллыкъ эсенг, тюзде къалма.
Джан саулукъ бермей, сан саулукъ бермезсе.
Мен да «сен», дейме, сен да «кесим», дейсе.
Джолунга кёре – джюрюшюнг, джагъанга кёре – юлюшюнг.
Тура эдим джата, къайдан чыкъды хата?
Эм ашхы къайын ана мамукъ бла башынгы тешер.
Ишни ахырын ойламай, аллын башлама.
Къарнынг ауруса, ауузунгу тый
Байлыкъдан саулукъ ашхыды.
Тойгъа барсанг, тоюб бар, эски тонунгу къоюб бар.
Чомартны къолу берекет.
Узун джолну барсанг, бюгюн келирсе, къысха джолну барсанг, тамбла келирсе.
Билим насыб берир, билим джолну керир.
Къонакъ болсанг, ийнакъ бол.