Эльбрусоид :: Эльбрусоид

Экиндини кеч къылсанг, чабыб джетер ашхам.
Билген билмегенни юретген адетди.
Джарлы джети элни сёзюн этер.
Тойгъа алгъа да барма, тойда артха да къалма.
Аджалсыз ёлюм болмаз.
Аууз сакълагъан – джан сакълар.
Магъанасыз сёз – тауушсуз сыбызгъы.
Ётген ёмюр – акъгъан суу.
Сёз сёзню айтдырыр.
Адам боллукъ, атламындан белгили болур.
Эрине къаргъыш этген къатын, эрнин къабар.
Эртде тургъан джылкъычыны эркек аты тай табар.
Къарт бла баш аша, джаш бла аякъ аша.
Aдам боллукъ, сыфатындан белгили.
Мал кёб болса, джууукъ кёб болур.
Ач – эснер, ат – кишнер.
Билмегенинги, билгеннге сор.
Орну джокъну – сыйы джокъ.
Аманны тукъумуна къарама, игини тукъумун сорма.
Тай асырагъан, атха минер.
Баланы адам этген анады.
Джыйырма къойну юч джыйырма эбзе кюте эди.
Тешик этген тынчды, аны джамагъан къыйынды.
Игиге айтсанг – билир, аманнга айтсанг – кюлюр.
Байма, деб да, къууанма, джарлыма, деб да, джылама.
Рысхы – насыбха къор.
Джауумдан сора, кюн кюйдюрюр, ётюрюкден сора, айыб кюйдюрюр.
Ёлмесенг да, къарт дамы болмазса?
Элде адам къалмаса, ит тахтагъа минер.
Ашыкъгъанны этеги бутуна чырмалыр.
Кёзю сокъурдан – къоркъма, кёлю сокъурдан – къоркъ.
Джерни букъусу кёкге къонмаз.
Уллу къашыкъ эрин джыртар.
Ачылгъан эт джабылыр, кёрген кёз унутмаз.
Эл тойса, тоймагъан, эл къойса, къоймагъан.
Билимден уллу байлыкъ джокъду.
Насыблы элин сюер, насыбсыз кесин сюер.
Чёбню кёлтюрсенг, тюбюнден сёз чыгъар.
Акъыл аздырмаз, билим тоздурмаз.
Джангыз терек къынгыр ёсер.
Тилчи тилден къаныкъмаз.
Арпа, будай – ащды, алтын, кюмюш а – ташды.
Окъугъан озар, окъумагъан тозар.
Ачыу алгъа келсе, акъыл артха къалады.
Къолу уллу – асыу, аягъы уллу – джарсыу.
Кёлсюзден сёзсюз тууар.
«Ёгюз, джаргъа джууукъ барма, меннге джюк боллукъса», - дегенди эшек.
Нёгерсизни джолу узун.
Харам къарнашдан, халал тенг ашхы.
Эки элинги тыйсанг, джети элде махталырса.