Эльбрусоид :: Эльбрусоид

Джуртун къоругъан озар.
Бети бедерден, намыс сакълама.
Айтылгъан сёз ызына къайтмаз.
Тойгъа алгъа да барма, тойда артха да къалма.
Къолу уллу – асыу, аягъы уллу – джарсыу.
Къартны сыйын кёрмеген, къартлыгъында сыйлы болмаз.
Ишин билген, аны сыйын чыгъарады.
Уллу суу бла уллу ауруудан башынгы сакъла.
Биреуню эскиси биреуге джангы болмайды.
Къуру гыбыт бек дыгъырдар.
Джаз бир кюнню джатсанг, къыш талай кюнню абынырса.
Къазанда болса, чолпугъа чыгъар.
Айныгъанлы алты кюн, тогъайгъанлы тогъуз кюн.
Суу ичген шауданынга тюкюрме.
Элге къуллукъ этмеген, элге ие болмаз.
Ана – юйню кюн джарыгъы.
Къызын тута билмеген, тул этер, джашын тута билмеген, къул этер.
Кёбге таш атма.
Адеб этмеген, адеб кёрмез.
Тюзлюк тас болмайды.
Къобан да къуру да къобханлай турмайды, адам да къуру да патчахлай турмайды.
Чомартны къолу берекет.
Орундукъ тюбюнде атылсам да, орта джиликме, де да айлан.
Иги джашны ышаны – аз сёлешиб, кёб тынгылар.
Ач бёрюге мекям джокъ.
Ишлемеген – тишлемез.
Бёрю да ач къалмасын, эчки да ашалмасын.
Ашатыргъа иш – ашхы, ишлетирге аш – ашхы.
Тулпарлыкъ, билекден тюл – джюрекден.
Таукел адам тау тешер.
Джангыз торгъай джырламаз.
Ариу сёз – джаннга азыкъ, аман сёз – башха къазыкъ.
Азыгъы аз, алгъа къабар, аты аман, алгъа чабар.
Айранын берсенг, челегин да къызгъанма.
Тыш элде солтан болгъандан эсе, кесинги элде олтан болгъан игиди!
Бойнуму джети джерден кессенг да, мен ол ишни этеллик тюлме.
Аман адам элни бир-бирине джау этер.
Онгсузну – джакъла, тенгликни – сакъла.
Джолунга кёре – джюрюшюнг, джагъанга кёре – юлюшюнг.
Юйюнг бла джау болгъандан эсе, элинг бла джау бол.
Джаралыны джастыгъында сау ёлюр.
Аманнга игилик этсенг, юйюнге сау бармазса.
Тил бла келеди джыр да.
Ат басханны джер билед.
Аз айтсам, кёб ангылагъыз.
Джаханимни кёрмей, джандетге кёл салмазса.
Кёл – къызбай, къол – батыр.
Кесине оноу эте билмеген, халкъына да эте билмез.
Бети – къучакълар, джюреги – бычакълар.
Чабакъсыз кёлге къармакъ салгъанлыкъгъа, чабакъ тутмазса.