- Аманны эки битли тону болур, бирин сеннге кийдирир, бирин кеси киер.
- Олтуруб кёрюнмей эди да, ёрге туруб кёрюне эди.
- Тёрдеги кюлсе, эшикдеги ышарыр.
- Экеу тутушса, биреу джыгъылыр.
- Билмегенинги, билгеннге сор.
- Суугъа – чабакъ, къаягъа – ыргъакъ.
- Къартха ушагъан джаш – акъыллы, джашха ушагъан къарт – тели.
- Телини эшигин, махтау джабар.
- Уллу сёзде уят джокъ.
- Къулакъдан эсе, кёзге ышан.
- Эли джокъну – кёлю джокъ.
- Ач къалгъандан, кеч къалгъан къолай.
- Тенги кёбню джау алмаз, акъылы кёбню дау алмаз.
- Къолунгдан къуймакъ ашатсанг да, атаны борчундан къутулмазса.
- Джюрекден джюрекге джол барды.
- Джырына кёре эжиую.
- Билимсиз иш бармаз.
- Байлыкъ тауусулур, билим тауусулмаз.
- Тили узунну, намысы – къысха.
- Ишлегенде эринме, ишде чолакъ кёрюнме.
- Адам боллукъ, атламындан белгили болур.
- Айтхан – тынч, этген – къыйын.
- Чакъырылмагъан джерге барма, чакъырылгъан джерден къалма.
- Арба аугъандан сора, джол кёргюзтюучю кёб болур.
- Эл бла кёргенинг эрелей.
- Aдам боллукъ, сыфатындан белгили.
- Бир абыннган – минг сюрюнюр.
- Чомарт къолда мал къалмаз.
- Эм ашхы къайын ана мамукъ бла башынгы тешер.
- Джашлыкъ этмеген, башлыкъ этмез.
- Алим болгъандан эсе, адам болгъан къыйынды.
- Эл тойса, тоймагъан, эл къойса, къоймагъан.
- Ёгюзню мюйюзлери ауурлукъ этмейдиле.
- Ата джурт – алтын бешик.
- Хар зат кесини орнуна иги.
- Зар адам ашынгы ашар, кесинги сатар.
- Туз, гырджын аша, тюзлюк бла джаша.
- Тойгъан джерден туугъан джер игиди.
- Чакъырылмагъан къонакъ къачан кетерин сормаз.
- Къонакъны къачан кетерин сорма, къачан келлигин сор.
- Кёб ант этген, кёб ётюрюк айтыр.
- Тенгинг джокъ эсе – изле, бар эсе – сакъла!
- Ата – баланы уясы.
- Джаралыны джастыгъында сау ёлюр.
- Ариу сёз джыланны орнундан чыгъарыр.
- Элиб деген, элге болушур.
- Этим кетсе да, сюегим къалыр.
- Азыкълы ат арымаз, къатыны аман джарымаз.
- Этни да ашады, бетни да ашады.
- Къарт болгъан джерде, берекет болур, сабий болгъан джерде, оюн болур.