- Тёрдеги кюлсе, эшикдеги ышарыр.
- Кёл ашады да, кеси ашады.
- Башы ишлегенни, ауузу да ишлер.
- Тилчиден кери бол.
- Кеси юйюмде мен да ханма.
- Кёлю джокъну – джолу джокъ.
- Къартха ушагъан джаш – акъыллы, джашха ушагъан къарт – тели.
- Эрни эр этерик да, къара джер этерик да, тиширыуду.
- Къонакъны къачан кетерин сорма, къачан келлигин сор.
- Къайгъыны сюйген, къайгъы табар.
- Бал чибинни ургъаны – ачы, балы – татлы.
- Берекет берсин деген джерде, берекет болур.
- Адамны сабийин сюйген джюреги, бычакъча, джитиди.
- Ёгюзню мюйюзюнден тутадыла, адамны сёзюнден тутадыла.
- Хоншуну тауугъу къаз кёрюнюр, келини къыз кёрюнюр.
- Тилде сюек болмаса да, сюек сындырыр.
- Чомартны къолу берекет.
- Билеги кючлю, бирни джыгъар, билими кючлю, мингни джыгъар.
- Къызбайны юйюне дери сюрсенг, батыр болур.
- Ашда – бёрю, ишде – ёлю.
- Минг тенг да азды, бир джау да кёбдю.
- Ашыкъгъанны этеги бутуна чырмалыр.
- Арбаз къынгырды да, ийнек сауалмайма.
- Билген билмегенни юретген адетди.
- Ётюрюкню къуйругъу – бир тутум.
- Къыз келсе, джумуш эте келеди, къатын келсе, ушакъ эте келеди.
- Аурууну келиую тынч, кетиую – къыйын.
- Къатын байлыкъны сюер, эр саулукъну сюер.
- Къыйынлы джети элни къайгъысын этер.
- Кесине оноу эте билмеген, халкъына да эте билмез.
- Ач келгенни – тойдур, кеч келгенни – къондур.
- Къарт болгъан джерде, берекет болур, сабий болгъан джерде, оюн болур.
- Эр сокъур болсун, къатын тилсиз болсун.
- Махтаннган къыз, тойда джукълар.
- Келгинчи, къонакъ уялыр, келгенден сора, къонакъбай уялыр.
- Сабий болмагъан джерде, мёлек болмаз.
- Адебсиз адам – джюгенсиз ат.
- Суу да къайтады чыкъгъан джерине.
- Хар адамгъа кеси миннген тау кибик.
- Джаралыны джастыгъында сау ёлюр.
- Ишге юренсин къоллары, халкъ бла болсун джоллары.
- Къолунгдан къуймакъ ашатсанг да, атаны борчундан къутулмазса.
- Нафысынгы айтханын этме, намысынгы айтханын эт.
- Аш берме да, къаш бер.
- Аджашханны ызындагъы кёреди, джангылгъанны джанындагъы биледи.
- Бети бедерден, намыс сакълама.
- Къонагъынгы артмагъын алма да, алгъышын ал.
- Иги болса, тамадама – махтау, аман болса, меннге – айыб.
- Азыгъы аз, алгъа къабар, аты аман, алгъа чабар.
- Джарлы эскисин джамаса, къууаныр.