Эльбрусоид :: Эльбрусоид

Акъыллы башны – тили къысха.
Хар зат кесини орнуна иги.
Байны къызы баймакъ болса да, юйде къалмаз!
Аман къатын алгъан, арыр, иги къатын алгъан джарыр.
Арыгъан къош чамчы болур.
Тыш элде солтан болгъандан эсе, кесинги элде олтан болгъан игиди!
Байма, деб да, къууанма, джарлыма, деб да, джылама.
Байлыкъдан саулукъ ашхыды.
Сютден ауузу кюйген, суугъа юфгюре эди.
Бозанг болмагъан джерге, къалагъынгы сукъма.
Артына баргъанны, къатына барма.
Экеулен сёлеше тура эселе, орталарына барыб кирме.
Айтылгъан буйрукъ, сёгюлмез
Айтылгъан сёз ызына къайтмаз.
Хар адамгъа кеси миннген тау кибик.
Кёзю сокъурдан – къоркъма, кёлю сокъурдан – къоркъ.
Кёб джашагъан – кёб билир.
Уруну арты – къуру.
Шекер бла туз – бир болмаз, ушамагъан – юй болмаз.
Чомарт къолда мал къалмаз.
Айыбны суу бла джууалмазса.
Ачылгъан эт джабылыр, кёрген кёз унутмаз.
Ашхы адам – халкъ байлыгъы, ашхы джер – джашау байлыгъы.
Аманнга игилик этсенг, юйюнге сау бармазса.
Къобан да къуру да къобханлай турмайды, адам да къуру да патчахлай турмайды.
Гырджын – тепсини тамадасы.
Шайтан алдады, тюзлюк къаргъады.
Ач къарным, тынч къулагъым.
Билим насыб берир, билим джолну керир.
Чомарт бергенин айтмаз.
Адеби болмагъан къыз – тузсуз хант.
Ашхы атаны – джашы ашхы, ашхы ананы – къызы ашхы.
Къолу уллу – асыу, аягъы уллу – джарсыу.
Ишлегенде эринме, ишде чолакъ кёрюнме.
Чомартха Тейри да борчлуду.
Нёгерсизни джолу узун.
Ашхы – джыяр, аман – джояр.
Ариу сёз джыланны орнундан чыгъарыр.
Къарнынг ауруса, ауузунгу тый
Нафысынгы айтханын этме, намысынгы айтханын эт.
Иесиз малны бёрю ашар.
Таукелге нюр джауар.
Къартны бурнун сюрт да, оноугъа тут.
Бетинги сатма, малынгы сат.
Тенгни тенглиги джашай барсанг билинир.
Экеу тутушса, биреу джыгъылыр.
Кёл – къызбай, къол – батыр.
Тойгъан джерден туугъан джер игиди.
Джол бла сёзню къыйыры джокъ.
Сакъалы текени да бар, мыйыгъы киштикни да бар.