- Аш кетер да бет къалыр.
- Кесинг сынамагъан затны, адамгъа буюрма.
- Окъуу – билимни ачхычы, окъуу – дунияны бачхычы.
- Къатыны харакетли болса, эри къымсыз болур.
- Байлыкъ келсе, акъыл кетер.
- Эл тойса, тоймагъан, эл къойса, къоймагъан.
- Ариу сёз джыланны орнундан чыгъарыр.
- Джаз бир кюнню джатсанг, къыш талай кюнню абынырса.
- Тилчи бир сагъатха айлыкъ хата этер.
- Джырына кёре эжиую.
- Сёз къанатсыз учар.
- Ариуну – ауруу кёб.
- Тыш элде солтан болгъандан эсе, кесинги элде олтан болгъан игиди!
- Иги бла джюрюсенг, джетерсе муратынга, аман бла джюрюсенг, къалырса уятха.
- Сабийликде юретмесенг, уллу болса – тюзелмез.
- Эки ойлашыб, бир сёлешген.
- Къарнынг къанлынга кийирир.
- Эли джокъну – кёлю джокъ.
- Аякъларынгы джууургъанынга кёре узат.
- Бёрю да ач къалмасын, эчки да ашалмасын.
- Ач – эснер, ат – кишнер.
- Джюрекден джюрекге джол барды.
- Джырчы ёлсе, джыры къалыр.
- Билим къая тешер.
- Мухардан ач ычхынмаз.
- Акъыл неден да кючлюдю.
- Кёлю джокъну – джолу джокъ.
- Чомарт къолда мал къалмаз.
- Окъ къызбайны джокълайды.
- Чомартны къолун джокълукъ байлар.
- Кёб джашагъан – кёб билир.
- Джукъу тёшек сайламайды.
- Билмезни кёзю кёрмез, этмезни къулагъы эшитмез.
- Ким бла джюрюсенг, аны кёзю бла кёрюнюрсе.
- Этни да ашады, бетни да ашады.
- Ёмюрлюк шохлукъну джел элтмез.
- Окъугъан озар, окъумагъан тозар.
- Тамырсыз терекге таянма – джыгъылырса.
- Мени джылытмагъан кюн, меннге тиймесин!
- Джырчы джырчыгъа – къарнаш.
- Шекер бла туз – бир болмаз, ушамагъан – юй болмаз.
- Керти сёзге тёре джокъ.
- Кёб ант этген, кёб ётюрюк айтыр.
- Хансыз джомакъ болмаз.
- Ёлюр джаннга, ёкюл джокъ.
- Тойгъа барсанг, тоюб бар, эски тонунгу къоюб бар.
- Байлыкъ адамны сокъур этер.
- Билген билмегенни юретген адетди.
- Атынг аманнга чыкъгъандан эсе, джанынг тамагъынгдан чыкъсын.
- Ата – билек, ана – джюрек!