- Хар сёзню орну барды.
- Адам туугъан джеринде, ит тойгъан джеринде.
- Чакъырылмай келген къонакъ сыйланмай кетер.
- Ойнаб айтсанг да, эслеб айт.
- Уллу атлама – абынырса, уллу къабма – къарылырса.
- Къулакъдан эсе, кёзге ышан.
- Кийим тукъум сордурур.
- Тамбла алтындан бюгюн багъыр ашхы.
- Арыгъан къош чамчы болур.
- Къарнынг бла ёч алма.
- Берекет берсин деген джерде, берекет болур.
- Тойгъанлыкъ къойгъа джарашады.
- Аманнга да, игиге да оноусуз къатышма.
- Байма, деб да, къууанма, джарлыма, деб да, джылама.
- Татлы сёз – балдан татлы.
- Чомарт бергенин айтмаз.
- Айтылгъан сёз ызына къайтмаз.
- Къонакъ хазыр болгъанлыкъгъа, къонакъбай хазыр тюлдю.
- Джиби бир къат джетмей эди да, эки къат тарта эди.
- Таш бла ургъанны, аш бла ур.
- Кюн кёрмеген, кюн кёрсе, кюндюз чыракъ джандырыр.
- Эки ойлашыб, бир сёлешген.
- Ачлыкъ отха секиртир.
- Айранын берсенг, челегин да къызгъанма.
- Эркишиге тары кебек танг кёрюнюр.
- Эртде тургъан бла эртде юйленнген сокъуранмаз.
- Аманны тукъумуна къарама, игини тукъумун сорма.
- Къартны бурнун сюрт да, оноугъа тут.
- Тилчи тилден къаныкъмаз.
- Ышармагъан – кюлмез, кюлмеген – къууанчны билмез.
- Башда акъыл болмаса, эки аякъгъа кюч джетер.
- Ёмюрлюк шохлукъну джел элтмез.
- Абынмазлыкъ аякъ джокъ, джангылмазлыкъ джаякъ джокъ.
- Мадар болса, къадар болур.
- Адамны сыфатына къарама, сёзюне къара.
- Юй ишлеген балта эшикде къалыр.
- Ишин билген, аны сыйын чыгъарады.
- Ач, тоймам, дейди, тойгъан, ач болмам, дейди.
- Ачыкъ джюрекге джол – ачыкъ.
- Акъылсызны джууукъгъа алма, акъыллыны кенгнге салма.
- Соргъан айыб тюлдю, билмеген айыбды.
- Шайтан алдады, тюзлюк къаргъады.
- Ауругъан – джашаудан умутчу.
- Мал тутхан – май джалар.
- Суугъа – чабакъ, къаягъа – ыргъакъ.
- Эл ауузу – элек, анга ийнаннган – халек.
- Тил – кесген бычакъ, сёз – атылгъан окъ.
- Сангырау къулакъ эл бузар.
- Ишни аллы бла къууанма да, арты бла къууан.
- Игиге айтсанг – билир, аманнга айтсанг – кюлюр.