- Кёкдеги болмаса, джердегин кёрмейди.
- Ана кёлю – балада, бала кёлю – талада.
- Эки элинги тыйсанг, джети элде махталырса.
- Тюкюрюк баш джармаз, налат кёз чыгъармаз!
- Чомарт къолда мал къалмаз.
- Хар сёзню орну барды.
- Ашхы тенг джолгъа салыр, аман тенг джолдан тайдырыр.
- Кирсизни – саны таза, халалны – къаны таза.
- Ат басханны джер билед.
- Элде адам къалмаса, ит тахтагъа минер.
- Чакъырылмагъан къонакъ къачан кетерин сормаз.
- Танг атмайма десе да, кюн къоярыкъ тюйюлдю.
- Тойгъанлыкъ къойгъа джарашады.
- Джарашыу сюйген – джалынчакъ.
- Арба аугъандан сора, джол кёргюзтюучю кёб болур.
- Юйюнгден чыкъдынг – кюнюнгден чыкъдынг.
- Ишлегенде эринме, ишде чолакъ кёрюнме.
- Сагъыш – къартлыкъгъа сюйюмчю.
- Накъырда – кертини келечиси.
- Баланы адам этген анады.
- Ач уят къоймаз.
- Намысы болмагъанны, сыйы болмаз.
- Ариу сёз – къылычдан джити.
- Туз, гырджын аша, тюзлюк бла джаша.
- Мухар, кеси тойса да, кёзю тоймаз.
- Кёзю сокъурдан – къоркъма, кёлю сокъурдан – къоркъ.
- Иги – алгъыш этер, аман – къаргъыш этер.
- Джарлы эскисин джамаса, къууаныр.
- Тюзлюк шохлукъну бегитир.
- Тели турса – той бузар.
- Бичгенде ашыкъма, тикгенде ашыкъ.
- Арбаз сайлама да, хоншу сайла.
- Бюгюн дуния кибик, тамбла ахыратды.
- Къайтырыкъ эшигинги, къаты уруб чыкъма.
- Джети тилни билген джети кишиди.
- Хазыр ашха – терен къашыкъ.
- Ётюрюкчюню шагъаты – къатында.
- Малны кют, джерни тюрт.
- Келлик заман – къартлыкъ келтирир, кетген заман – джашлыкъ ёлтюрюр.
- Джырына кёре эжиую.
- Къонакъны къачан кетерин сорма, къачан келлигин сор.
- Атлыны кёрсе, джаяуну буту талыр.
- Ата – билек, ана – джюрек!
- Арпа, будай – ащды, алтын, кюмюш а – ташды.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Керилген да, ургъан кибикди.
- Тилчиден кери бол.
- Ачылгъан эт джабылыр, кёрген кёз унутмаз.
- Ишни аллы бла къууанма да, арты бла къууан.
- Бети бедерден, намыс сакълама.