- Бозаны арты дауур болур.
- Тик ёргени, тик энгишгеси да болады.
- Эринчекни аурууу – кёб.
- Иги бла джюрюсенг, джетерсе муратынга, аман бла джюрюсенг, къалырса уятха.
- Зар адамны насыбы болмаз.
- Бюгюн дуния кибик, тамбла ахыратды.
- Бозанг болмагъан джерге, къалагъынгы сукъма.
- Башынга джетмегенни сорма.
- Билимли ёлмез, билимсиз кёрмез.
- Ётюрюкню къуйругъу – бир тутум.
- Тенги кёбню джау алмаз, акъылы кёбню дау алмаз.
- Аманны къуугъан, аманлыкъ табар.
- Бичгенде ашыкъма, тикгенде ашыкъ.
- Халкъны джырын джырласанг, халкъ санга эжиу этер.
- Къошда джокъгъа – юлюш джокъ.
- Баш – акъыл ючюн, акъылман – халкъ ючюн.
- Агъач – джерни чырайы, кийим – эрни чырайы.
- Арбаз сайлама да, хоншу сайла.
- Ашда уялгъан – мухар, ишде уялгъан – хомух.
- Байлыкъ келсе, акъыл кетер.
- Ата джурт – алтын бешик.
- Къайгъыны сюйген, къайгъы табар.
- Тёрдеги кюлсе, эшикдеги ышарыр.
- Ишлерге уял да, ашаргъа табма.
- Джаным-тиним – окъуу, билим.
- Окъугъан – асыу, окъумагъан – джарсыу.
- Aдам боллукъ, сыфатындан белгили.
- Къарыусузгъа кюлме, онгсузгъа тийме.
- Аз айтсам, кёб ангылагъыз.
- Азыкъ аз болса, эртде орун сал.
- Ачыкъ джюрекге джол – ачыкъ.
- Минг тенг да азды, бир джау да кёбдю.
- Ана къолу ачытмаз.
- Акъыл сабырлыкъ берир.
- Джуртун къоругъан озар.
- Тыш элде солтан болгъандан эсе, кесинги элде олтан болгъан игиди!
- Аманнга игилик этсенг, юйюнге сау бармазса.
- Миллетни бойну – базыкъ, аны бла кюрешген – джазыкъ.
- Нафысынгы айтханын этме, намысынгы айтханын эт.
- Мал кёб болса, джууукъ кёб болур.
- Къызын тута билмеген, тул этер, джашын тута билмеген, къул этер.
- Нарт сёз къарт болмаз.
- Къонакъ аз олтурур, кёб сынар.
- Эри аманны, къатыны – аман.
- Джан саулукъ бермей, сан саулукъ бермезсе.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ач бёрюге мекям джокъ.
- Хар ишни да аллы къыйынды.
- Джарлы тюеге минсе да, ит къабар.
- Чомарт джарлы болмаз.
Че
10.06.2013