Эльбрусоид :: Эльбрусоид

Джауумдан сора, кюн кюйдюрюр, ётюрюкден сора, айыб кюйдюрюр.
Тамырсыз терекге таянма – джыгъылырса.
Къайгъы тюбю – тенгиз.
Асхат ашлыкъ сата, юйдегиси ачдан къата.
Туз, гырджын аша, тюзлюк бла джаша.
Билими азны – ауузунда кирит.
Аман адам элни бир-бирине джау этер.
Намыс сатылыб алынмайды.
Кесине оноу эте билмеген, халкъына да эте билмез.
Тау башында, тау болмаз, джангыз терек, бау болмаз.
Эл ауузу – элек, анга ийнаннган – халек.
Акъыл неден да кючлюдю.
Тилчи тилден къаныкъмаз.
Ачылгъан эт джабылыр, кёрген кёз унутмаз.
Аз айтсам, кёб ангылагъыз.
Халкъгъа джарагъан, джарлы къалмаз.
Тойгъан джерге джети къайт.
Къызны минг тилер, бир алыр.
Джаз бир кюнню джатсанг, къыш талай кюнню абынырса.
Сютден ауузу кюйген, суугъа юфгюре эди.
Кесинг сынамагъан затны, адамгъа буюрма.
Уясында не кёрсе, учханында аны этер.
Адебни адебсизден юрен.
Сибиртки да сыйлы болду, кюрек да кюнлю болду.
Къыз тиширыу кеси юйюнде да къонакъды.
Джыгъылгъанны сырты джерден тоймаз.
Тик ёргени, тик энгишгеси да болады.
Бал ашаргъа сюе эсенг, чибин ургъаннга тёз.
Мени джылытмагъан кюн, меннге тиймесин!
Къайтырыкъ эшигинги, къаты уруб чыкъма.
Джаралыны джастыгъында сау ёлюр.
Къаллай салам берсенг, аллай джууаб алырса.
Ата – билек, ана – джюрек!
Айтхан сёзюне табылгъан.
Аш кетер да бет къалыр.
Экиндини кеч къылсанг, чабыб джетер ашхам.
Сыфатында болмагъаны, суратында болмаз.
Билим ат болуб да чабар, къуш болуб да учар.
Уллу къашыкъ эрин джыртар.
Адеб джокъда, намыс джокъ.
Чомарт къонакъ юй иесин сыйлар.
Акъыллы башны – тили къысха.
Рысхы джалгъанды: келген да этер, кетген да этер.
Тиширыусуз юй – отсуз от джагъа.
Битмегеннге сакъал – танг.
Халкъны юйю – туугъан джери.
Адам сёзюнден белгили.
Кёбден умут этиб, аздан къуру къалма.
Къарны аманнга къазан такъдырма, къолу аманнга от джакъдырма.
Айыбны суу бла джууалмазса.