Эльбрусоид :: Эльбрусоид

Чёбню кёлтюрсенг, тюбюнден сёз чыгъар.
Чомарт джарлы болмаз.
Джангызны оту джарыкъ джанмаз!
Къонакъ болсанг, ийнакъ бол.
Татлы тилде – сёз ариу, чемер къолда – иш ариу.
Хар адамгъа кеси миннген тау кибик.
Олтуруб кёрюнмей эди да, ёрге туруб кёрюне эди.
Мал тутхан – май джалар.
Окъуу – билимни ачхычы, окъуу – дунияны бачхычы.
Баланы адам этген анады.
Къазанда болса, чолпугъа чыгъар.
Бозанг болмагъан джерге, къалагъынгы сукъма.
Айтхан сёзюне табылгъан.
Ёмюрлюк шохлукъну джел элтмез.
Акъыл неден да кючлюдю.
Айранын берсенг, челегин да къызгъанма.
Тенгинг джокъ эсе – изле, бар эсе – сакъла!
Къалгъан ишге къар джауар.
Айран тёгюлсе, джугъусу къалыр.
Аман адам этегингден тутса, кес да къач.
Суугъа – чабакъ, къаягъа – ыргъакъ.
Келлик заман – къартлыкъ келтирир, кетген заман – джашлыкъ ёлтюрюр.
Эртде тургъан джылкъычыны эркек аты тай табар.
Халкъны джырын джырласанг, халкъ санга эжиу этер.
Тик ёргени, тик энгишгеси да болады.
Ана кёлю – балада, бала кёлю – талада.
Акъыллы айтыр эди, акъылсыз къоймайды.
Асхат ашлыкъ сата, юйдегиси ачдан къата.
Къошда джокъгъа – юлюш джокъ.
Юйлю уругъа ит чабмаз.
Адамны адамлыгъы къыйынлыкъда айгъакъланады.
Чакъырылмагъан джерге барма, чакъырылгъан джерден къалма.
Кёлсюзден сёзсюз тууар.
Эли джокъну – кёлю джокъ.
Келинни – келгинчи, бёркню кийгинчи кёр.
Юреннген ауруу къалмаз.
Ичимден чыкъды хата, къайры барайым сата?
Чомарт къонакъ юй иесин сыйлар.
Намысы джокъну – дуниясы джокъ.
Ата Джуртча джер болмаз, туугъан элча эл болмаз.
Кютгени беш эчки, сызгъыргъаны уа, джерни джарады.
Сютден ауузу кюйген, суугъа юфгюре эди.
Келинин тута билмеген, къул этер, къызын тута билмеген, тул этер.
Кесинг сынамагъан затны, адамгъа буюрма.
Джолунга кёре – джюрюшюнг, джагъанга кёре – юлюшюнг.
Огъурлуну сёзю – суу, огъурсузну сёзю – уу.
Эм уллу байлыкъ – джан саулукъ.
Джарашыу сюйген – джалынчакъ.
Кесинге джетмегенни, кёб сёлешме.
Тёрени джагъы джокъ.