- Билимден уллу байлыкъ джокъду.
- Эски джаугъа ышанма.
- Ат басханны джер билед.
- Таш бла ургъанны, аш бла ур.
- Юйюнгден чыкъдынг – кюнюнгден чыкъдынг.
- Сормай – алма, чакъырылмай – барма.
- Ач бёрюге мекям джокъ.
- Джолда аягъынга сакъ бол, ушакъда тилинге сакъ бол.
- Байдан умут эте, джарлыдан ёгюз багъасы къорады.
- Сёз сёзню айтдырыр.
- Башсыз урчукъ тюзюне айланмаз.
- Ана – юйню кюн джарыгъы.
- Къарнынг бла ёч алма.
- Бозаны арты дауур болур.
- Джылыгъа джылан илешир.
- Татлы тилде – сёз ариу, чемер къолда – иш ариу.
- Къарнынг тойгъунчу аша да, белинг талгъынчы ишле.
- Тили узунну, намысы – къысха.
- Биреуню тёрюнден, кесинги эшик артынг игиди.
- Чарсда алчыны эл кёреди.
- Сабийни джумушха джибер да, ызындан бар.
- Иги сеники эсе да, сюйген кесимикин этеме.
- Окъуу – билимни ачхычы, окъуу – дунияны бачхычы.
- Тёрдеги кюлсе, эшикдеги ышарыр.
- Ашхы адам – халкъ байлыгъы, ашхы джер – джашау байлыгъы.
- Тёрени джагъы джокъ.
- Уллу къашыкъ эрин джыртар.
- Нарт сёз къарт болмаз.
- Сютден ауузу кюйген, суугъа юфгюре эди.
- Аман эсирсе, юйюн ояр.
- Ачны эсинде – аш.
- Ёмюрлюк шохлукъну джел элтмез.
- Бети бедерден, намыс сакълама.
- Сакъ юйюне сау барыр.
- Тил бла келеди джыр да.
- Джашда акъыл джокъ, къартда къарыу джокъ.
- Ханнга да келеди хариблик.
- Адам къаллай бир ишленмесе, аллай бир кесин уллу кёреди.
- Игилик игилик бла сингдирилиучю затды.
- Намыс сатылыб алынмайды.
- Иги адамны бир сёзю эки болмаз.
- Акъылсызны джууукъгъа алма, акъыллыны кенгнге салма.
- Биреуню къыйынлыгъы бла кесинге джол ишлеме.
- Аллахха ийнаннган кишини, Аллах онгдурур ишин.
- Билим къая тешер.
- Адамны аманы адамны бети бла ойнар.
- Иги джашны ышаны – аз сёлешиб, кёб тынгылар.
- Нёгер болсанг, тенг бол, тенг болмасанг, кенг бол.
- Айныгъанлы алты кюн, тогъайгъанлы тогъуз кюн.
- Аман адам этегингден тутса, кес да къач.