- Адамны джюреги нени кёрюрге сюйсе, кёзю да аны кёрюрге ёч болады.
- Ёлмесенг да, къарт дамы болмазса?
- Битмегеннге сакъал – танг.
- Мен да «сен», дейме, сен да «кесим», дейсе.
- Ашхы адам – халкъ байлыгъы, ашхы джер – джашау байлыгъы.
- Эл тойса, тоймагъан, эл къойса, къоймагъан.
- Ариу сёз аурууунгу алыр.
- Чарсда алчыны эл кёреди.
- Джаз бир кюнню джатсанг, къыш талай кюнню абынырса.
- Нафысынгы айтханын этме, намысынгы айтханын эт.
- Уруну арты – къуру.
- Насыблы элин сюер, насыбсыз кесин сюер.
- Эллинг бла джау болсанг да, юйюнг бла джау болма.
- Эринчекни эр алмаз, эр алса да, кёл салмаз, кёл салса да, кёб бармаз!
- Джолда аягъынга сакъ бол, ушакъда тилинге сакъ бол.
- Ёлген ийнек сютлю болур.
- Тил – миллетни джаны.
- Aдам боллукъ, сыфатындан белгили.
- Чакъырылмагъан къонакъ тёрге атламаз.
- Керек ташны ауурлугъу джокъ.
- Эки къатын алгъанны къулагъы тынгнгаймаз.
- Сёз къанатсыз учар.
- Джангызны оту джарыкъ джанмаз!
- Окъ къызбайны джокълайды.
- Адеб джокъда, намыс джокъ.
- Нарт сёз къарт болмаз.
- Ишин билген, аны сыйын чыгъарады.
- Элде адам къалмаса, ит тахтагъа минер.
- Ишлегенден, къарагъан уста.
- Экеу тутушса, биреу джыгъылыр.
- Адамны аты башхача, акъылы да башхады.
- Кёлсюзден сёзсюз тууар.
- Кёкдеги болмаса, джердегин кёрмейди.
- Хаухну атма, ёнгкючню сатма.
- Ат да турмайды бир териде.
- Гырджын – тепсини тамадасы.
- Ойнаб айтсанг да, эслеб айт.
- Акъыл неден да кючлюдю.
- Бет бетге къараса, бет да джерге къарар.
- Окъуу – билимни ачхычы, окъуу – дунияны бачхычы.
- Тёрдеги кюлсе, эшикдеги ышарыр.
- Ашыкъгъанны этеги бутуна чырмалыр.
- Тойгъа алгъа да барма, тойда артха да къалма.
- Ариу сёзде ауруу джокъ.
- Ётюрюкчюню шагъаты – къатында.
- Иги бла джюрюсенг, джетерсе муратынга, аман бла джюрюсенг, къалырса уятха.
- Юйюнгден чыкъдынг – кюнюнгден чыкъдынг.
- Эркиши – от, тиширыу – суу.
- Джауумдан сора, кюн кюйдюрюр, ётюрюкден сора, айыб кюйдюрюр.
- Таш ата билмеген, башына урур.