Эльбрусоид :: Эльбрусоид

Баланы адам этген анады.
Болджал ишни бёрю ашар.
Эринчекге кюн узун.
Къарнынг тойгъунчу аша да, белинг талгъынчы ишле.
Эки элинги тыйсанг, джети элде махталырса.
Берекет берсин деген джерде, берекет болур.
Биреуню къыйынлыгъы бла кесинге джол ишлеме.
Халкъны юйю – туугъан джери.
Тёрени джагъы джокъ.
Иесиз малны бёрю ашар.
Иги – алгъыш этер, аман – къаргъыш этер.
Тилчи бир сагъатха айлыкъ хата этер.
Айырылгъанланы айю ашар, бёлюннгенлени бёрю ашар.
Халкъны джырын джырласанг, халкъ санга эжиу этер.
Ач отунчуну ачыуу – бурнунда.
Иги джашны ышаны – аз сёлешиб, кёб тынгылар.
Насыблы элин сюер, насыбсыз кесин сюер.
Тюзню ётмеги тюзде къалса да, тас болмаз.
Чалманны аллы къалай башланса, арты да алай барады.
Къыз тиширыу кеси юйюнде да къонакъды.
Азыкълы ат арымаз, къатыны аман джарымаз.
Намыс сатылыб алынмайды.
Ашлыкъ – бюртюкден, джюн – тюкден.
Джаш къарыу бла кючлю, къарт акъыл бла кючлю.
Эл бла кёргенинг эрелей.
Сагъышы джокъ – джукъучу, акъылы джокъ – къаугъачы.
Кёз – сюйген джерде, къол – ауругъан джерде.
Намыс болмагъан джерде, насыб болмаз.
Чакъырылмагъан къонакъ тёрге атламаз.
От этилмеген джерден тютюн чыкъмайды.
Халкъгъа джарагъан, джарлы къалмаз.
Джангыз торгъай джырламаз.
Окъуу – билимни ачхычы, окъуу – дунияны бачхычы.
Байлыкъдан саулукъ ашхыды.
Къошда джокъгъа – юлюш джокъ.
Экиндини кеч къылсанг, чабыб джетер ашхам.
Кирсизни – саны таза, халалны – къаны таза.
Джауумдан сора, кюн кюйдюрюр, ётюрюкден сора, айыб кюйдюрюр.
Эркишиге тары кебек танг кёрюнюр.
Тойгъандан сора, ашны сёкме.
Эринчекни эр алмаз, эр алса да, кёл салмаз, кёл салса да, кёб бармаз!
Намысы болмагъанны, сыйы болмаз.
Гырджын – тепсини тамадасы.
Уруну арты – къуру.
Кютгени беш эчки, сызгъыргъаны уа, джерни джарады.
Тил – кесген бычакъ, сёз – атылгъан окъ.
Уллу къазанда бишген эт, чий къалмаз.
Джылыгъа джылан илешир.
Кюлме джашха – келир башха.
Эрине къаргъыш этген къатын, эрнин къабар.