- Тюзлюк тас болмайды.
- Къолунгдан къуймакъ ашатсанг да, атаны борчундан къутулмазса.
- Мухар, кеси тойса да, кёзю тоймаз.
- Тенгинг джокъ эсе – изле, бар эсе – сакъла!
- Тас болгъан бычакъны сабы – алтын.
- Тилчи бир сагъатха айлыкъ хата этер.
- Таш ата билмеген, башына урур.
- Ач къарным, тынч къулагъым.
- Ана къойну – балагъа джандет.
- Джетген къыз джерли эшекни танымаз.
- Кёбден умут этиб, аздан къуру къалма.
- Джыгъылгъанны сырты джерден тоймаз.
- От этилмеген джерден тютюн чыкъмайды.
- Тёрени джагъы джокъ.
- Эм уллу байлыкъ – джан саулукъ.
- Хансыз джомакъ болмаз.
- Тил – миллетни джаны.
- Тюзлюк шохлукъну бегитир.
- Тойгъа барсанг, тоюб бар, эски тонунгу къоюб бар.
- Кийимни бир кюнню аясанг, минг кюннге джарар.
- Тамчы таш тешер.
- Бастасын ашагъан, хантусун да ичер.
- Нёгер болсанг, тенг бол, тенг болмасанг, кенг бол.
- Чомарт джарлы болмаз.
- Акъыллы – эл иеси, тели – эл баласы.
- Джылыгъа джылан илешир.
- Юйюнгден чыкъдынг – кюнюнгден чыкъдынг.
- Ауузу аманнга «иги», деме.
- Акъыллы айтыр эди, акъылсыз къоймайды.
- Ач къарынны, токъ билмез
- Джангыз торгъай джырламаз.
- Аурууну келиую тынч, кетиую – къыйын.
- Тёзгеннге, джабылгъан эшик ачылыр.
- Садакъачыны джаны – къапчыгъында.
- Керилген да, ургъан кибикди.
- Аманнга да, игиге да оноусуз къатышма.
- Чомартны къолун джокълукъ байлар.
- Бозанг болмагъан джерге, къалагъынгы сукъма.
- Сабийни джумушха джибер да, ызындан бар.
- Намысы болмагъанны, сыйы болмаз.
- Орну джокъну – сыйы джокъ.
- Адам туугъан джеринде, ит тойгъан джеринде.
- Аджаллыгъа окъсуз шкок атылыр.
- Къарыусузгъа кюлме, онгсузгъа тийме.
- Окъ къызбайны джокълайды.
- Халкъны джырын джырласанг, халкъ санга эжиу этер.
- Телини эшигин, махтау джабар.
- Ата Джуртуму башы болмасам да, босагъасында ташы болайым.
- Тил джюрекге джол ишлейди.
- Эринчекни аурууу – кёб.
Че
10.06.2013