Эльбрусоид :: Эльбрусоид

Юреннген ауруу къалмаз.
Къозулугъунда тоймагъан, къойлугъунда тоймаз.
Адам къаллай бир ишленмесе, аллай бир кесин уллу кёреди.
Ёксюзню тилеги къабыл болур.
Халкъны джырын джырласанг, халкъ санга эжиу этер.
Байлыкъдан саулукъ ашхыды.
Эллинг бла джау болсанг да, юйюнг бла джау болма.
Къолунгдан къуймакъ ашатсанг да, атаны борчундан къутулмазса.
Джырчы джырчыгъа – къарнаш.
Окъугъан озар, окъумагъан тозар.
Ёлген аслан – сау чычхан.
Айырылгъанланы айю ашар, бёлюннгенлени бёрю ашар.
Аман адам этегингден тутса, кес да къач.
Джеринден айырылгъан – джети джылар, джуртундан айырылгъан – ёлгюнчю джылар.
Ачыу алгъа келсе, акъыл артха къалады.
Окъ къызбайны джокълайды.
Акъыл бла адеб эгизледиле.
«Ма», - дегенни билмесенг, «бер», - дегенни билмезсе.
Ашыкъгъанны этеги бутуна чырмалыр.
Суугъа – чабакъ, къаягъа – ыргъакъ.
Къатыны харакетли болса, эри къымсыз болур.
Акъыл аздырмаз, билим тоздурмаз.
Адамны аманы адамны бети бла ойнар.
Адам туугъан джеринде, ит тойгъан джеринде.
Адам боллукъ, атламындан белгили болур.
Терслик кетер, тюзлюк джетер.
Тынгылагъан тынгы бузар.
Аман къатын сабий табса, бий болур…
Джолда аягъынга сакъ бол, ушакъда тилинге сакъ бол.
Кимни – тили, тиши онглу, кимни – къолу, иши онглу.
Ауругъан – джашаудан умутчу.
Акъыл къартда, джашда тюйюлдю – башдады.
Эки къатын алгъан – эки ташны ортасына башын салгъан.
Сабий кёргенин унутмаз.
Къызбайны юйюне дери сюрсенг, батыр болур.
Айранны сюйген, ийнек тутар.
Бичгенде ашыкъма, тикгенде ашыкъ.
Ариу сёз аурууунгу алыр.
Джашда акъыл джокъ, къартда къарыу джокъ.
Адам бла мюлк юлешмеген эсенг, ол адамны билиб бошагъанма, деб кесинги алдама.
Дуния малгъа сатылма, кесингден телиге къатылма.
Ётюрюк хапар аякъ тюбю бла джюрюйдю.
Аллахдан тилесенг, кёб тиле.
Юйюнгден чыкъдынг – кюнюнгден чыкъдынг.
Этек чакъмакълары баш джаргъан, сёлешген сёзлери таш джаргъан.
Эшекге миннген – биринчи айыб, андан джыгъылгъан – экинчи айыб.
Билимсиз иш бармаз.
Тойгъан антын унутур.
Джетген къыз джерли эшекни танымаз.
Ата Джуртуму башы болмасам да, босагъасында ташы болайым.