- Халкъгъа джарагъан, джарлы къалмаз.
- Кёкдеги болмаса, джердегин кёрмейди.
- Ёпкелегенни ашы татлы болады.
- Айранны сюйген, ийнек тутар.
- Ушамагъан – джукъмаз.
- Къралынгы – душмандан, башынгы от бла суудан сакъла.
- Тойгъан джерге джети къайт.
- Чомартны къолу берекет.
- Ким бла джюрюсенг, аны кёзю бла кёрюнюрсе.
- Бек анасы джыламаз.
- Ана къойну – балагъа джандет.
- Ойнай-ойнай кёз чыгъар.
- Ёнгкюч къууана барыр, джылай келир.
- Ётюрюкню къуйругъу – бир тутум.
- Ханнга да келеди хариблик.
- Насыблы элин сюер, насыбсыз кесин сюер.
- Зарда марда джокъ.
- Баргъанынга кёре болур келгенинг.
- Эркишиге тары кебек танг кёрюнюр.
- Акъдан къара болмаз.
- Тюкюрюк баш джармаз, налат кёз чыгъармаз!
- Къыйынлы джети элге оноу этер.
- Шекер бла туз – бир болмаз, ушамагъан – юй болмаз.
- Ётюрюкден тюбю джокъ, кёлтюрюрге джиби джокъ.
- Билим ат болуб да чабар, къуш болуб да учар.
- Ишин билген, аны сыйын чыгъарады.
- Къыз чыгъаргъан – къызыл къымжа.
- Сангырау къулакъ эл бузар.
- Сакъламагъан затынга джолукъсанг, не бек къууанаса, не бек ачыйса.
- Оюмсуз атлагъан, аджалсыз ёлюр.
- Джарлыны тону джаз битер.
- Бетинги сатма, малынгы сат.
- Хунаны тюбюн къазсанг, юсюнге ауар.
- Малны кют, джерни тюрт.
- Сагъыш – къартлыкъгъа сюйюмчю.
- Ашхылыкъ джерде джатмайды, аманлыкъ суугъа батмайды.
- Адеби болмагъан къыз – тузсуз хант.
- Элде адам къалмаса, ит тахтагъа минер.
- Экеулен сёлеше тура эселе, орталарына барыб кирме.
- Мал ёлсе, сюек къалыр, адам ёлсе, иши къалыр.
- Таякъ этден ётер, тил сюекден ётер.
- Бал – татлы, балдан да бала – татлы.
- Намысы болмагъанны, сыйы болмаз.
- Кийим тукъум сордурур.
- Бермеген къол, алмайды.
- Этек чакъмакълары баш джаргъан, сёлешген сёзлери таш джаргъан.
- Сёз садакъдан кючлюдю.
- Эм уллу байлыкъ – джан саулукъ.
- Акъыл сабырлыкъ берир.
- Тил бла келеди джыр да.
Залина)))
|