- Тёгюлген тюгел джыйылмайды.
- Къарны аманнга къазан такъдырма, къолу аманнга от джакъдырма.
- Ханнга да келеди хариблик.
- Чабакъгъа акъыл, табагъа тюшсе келеди.
- Къарт болгъан джерде, берекет болур, сабий болгъан джерде, оюн болур.
- Сагъыш – къартлыкъгъа сюйюмчю.
- Дуния аламаты сен эсенг да, игиме деб айтма.
- Ашхы – джыяр, аман – джояр.
- Айыбны суу бла джууалмазса.
- Туз, гырджын аша, тюзлюк бла джаша.
- Кёбню кёрген – кёб билир.
- Ач, тоймам, дейди, тойгъан, ач болмам, дейди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Билим ат болуб да чабар, къуш болуб да учар.
- Ишлерге уял да, ашаргъа табма.
- Къыз чыгъаргъан – къызыл къымжа.
- Айтхан сёзюне табылгъан.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къанны къан бла джуума, аманны аман бла къуума.
- Биреуге аманлыкъ этиб, кесинге игилик табмазса.
- Къулакъдан эсе, кёзге ышан.
- Сибиртки да сыйлы болду, кюрек да кюнлю болду.
- Насыб бютеу халкъны юлюшюдю.
- Кюлме джашха – келир башха.
- Бир абыннган – минг сюрюнюр.
- Ат басханны джер билед.
- Термилгенинги табмазса, кюлгенинге тюберсе.
- Азыкълы ат арымаз, къатыны аман джарымаз.
- Къызны минг тилер, бир алыр.
- Тулпарлыкъ, билекден тюл – джюрекден.
- Ауругъаннга – кийик саулукъ, джетген къызгъа – чилле джаулукъ.
- «Ма», - дегенни билмесенг, «бер», - дегенни билмезсе.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Кёзюнде тереги болгъан, чёбю болгъаннга кюле эди.
- Чомарт бергенин айтмаз.
- Чабакъ башындан чирийди.
- Шайтан алдады, тюзлюк къаргъады.
- Ач къарынны, токъ билмез
- Кёб къычыргъандан – къоркъма, тынч олтургъандан – къоркъ.
- Чоюнну башы ачыкъ болса, итге уят керекди.
- Халкъны юйю – туугъан джери.
- Чомарт джарлы болмаз.
- Уруну арты – къуру.
- Байлыкъ тауусулур, билим тауусулмаз.
- Азыгъы аз, алгъа къабар, аты аман, алгъа чабар.
- Джуртун къоругъан озар.
- Аджашханны ызындагъы кёреди, джангылгъанны джанындагъы биледи.
- Джырчы ёлсе, джыры къалыр.
- Джюрекден джюрекге джол барды.
- Къралынгы – душмандан, башынгы от бла суудан сакъла.