- Джылкъыдан – ат чыгъар, тукъумдан – джаш чыгъар.
- Билмейме деген – бир сёз
- Билген билмегенни юретген адетди.
- Ариу сёзде ауруу джокъ.
- Аманнга да, игиге да оноусуз къатышма.
- Къыз тиширыу кеси юйюнде да къонакъды.
- Аман хансны – урлугъу кёб.
- Адамгъа аман кюн соруб келмейди.
- Хоншуну тауугъу къаз кёрюнюр, келини къыз кёрюнюр.
- Ач къарным, тынч къулагъым.
- Акъыллы – эл иеси, тели – эл баласы.
- Мухардан ач ычхынмаз.
- Кёбге таш атма.
- Телиге от эт десенг, юйюнге от салыр.
- Ашлыкъ – бюртюкден, джюн – тюкден.
- Ханнга да келеди хариблик.
- Сангырау къулакъ эл бузар.
- Джангыз торгъай джырламаз.
- Къая джолда джортма, ачыкъ сёзден къоркъма.
- Адамны сыфатына къарама, сёзюне къара.
- Уллу айтханны этмеген – уллаймаз.
- Ётюрюкню башын керти кесер.
- Аджалсыз ёлюм болмаз.
- Джукъу тёшек сайламайды.
- Къазанны башы ачыкъ болса, итге уят керекди.
- Татлы тилде – сёз ариу, чемер къолда – иш ариу.
- Кеси юйюмде мен да ханма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Мал ёлсе, сюек къалыр, адам ёлсе, иши къалыр.
- Къаллай салам берсенг, аллай джууаб алырса.
- Атлыны кёрсе, джаяуну буту талыр.
- Аджашханны ызындагъы кёреди, джангылгъанны джанындагъы биледи.
- Эки къатын алгъан – эки ташны ортасына башын салгъан.
- Хансыз джомакъ болмаз.
- Рысхы – насыбха къор.
- Эл элде бирер малынг болгъандан эсе, бирер тенгинг болсун.
- Кийим тукъум сордурур.
- Окъугъан озар, окъумагъан тозар.
- Эринчекге кюн узун.
- Терслик кетер, тюзлюк джетер.
- Эринчекни эр алмаз, эр алса да, кёл салмаз, кёл салса да, кёб бармаз!
- Айран ичген – къутулду, джугъусун джалагъан – тутулду.
- Ана – юйню кюн джарыгъы.
- Джаш болсун, къыз болсун, акъылы, саны тюз болсун.
- Тас болгъан бычакъны сабы – алтын.
- Алтыда кюлмеген, алтмышда кюлмез.
- Уруну арты – къуру.
- Минг тенг да азды, бир джау да кёбдю.
- Бёрю да ач къалмасын, эчки да ашалмасын.
- Ариу – кёзге, акъыл – джюрекге.