- Бермеген къол, алмайды.
- Игилик игилик бла сингдирилиучю затды.
- Азыгъы аз, алгъа къабар, аты аман, алгъа чабар.
- Кесине гебен этелмеген, биреуге черен эте эди.
- Окъуу – билимни ачхычы, окъуу – дунияны бачхычы.
- Байлыкъ адамны сокъур этер.
- Иги адамны бир сёзю эки болмаз.
- Айран ичген – къутулду, джугъусун джалагъан – тутулду.
- Эки элинги тыйсанг, джети элде махталырса.
- Булут кёкге джарашыу, уят бетге джарашыу.
- Сабыр джетер муратха, сабырсыз къалыр уятха.
- Гыдай эчки суугъа къараб, мюйюзле кёрмесе, джашма алкъын, дегенди.
- Айранын берсенг, челегин да къызгъанма.
- Биреу ашаб къутулур, биреу джалаб тутулур.
- Нарт сёз къарт болмаз.
- Ана кёлю – балада, бала кёлю – талада.
- Алгъанда – джууукъ, бергенде – джау.
- Шекер бла туз – бир болмаз, ушамагъан – юй болмаз.
- Къар – келтирди, суу – элтди.
- Чакъырылмагъан къонакъ тёрге атламаз.
- Эркишиге тары кебек танг кёрюнюр.
- Билгенни къолу къарны джандырыр.
- Адеб этмеген, адеб кёрмез.
- Суу кетер, таш къалыр.
- Тойгъан джерге джети къайт.
- Накъырда – кертини келечиси.
- Экеу тутушса, биреу джыгъылыр.
- Адебсиз адам – джюгенсиз ат.
- Бир абыннган – минг сюрюнюр.
- Къыз тиширыу кеси юйюнде да къонакъды.
- Сабийликде юретмесенг, уллу болса – тюзелмез.
- Иги адам абынса да, джангылмаз.
- Къатын байлыкъны сюер, эр саулукъну сюер.
- Тойгъа барсанг, тоюб бар, эски тонунгу къоюб бар.
- Тёзген – тёш ашар!
- Джаш къарыу бла кючлю, къарт акъыл бла кючлю.
- Эски джаугъа ышанма.
- Тели турса – той бузар.
- Дженгил джетерикме деб, узун джолну къоюб, къысхасын барма.
- Мени джылытмагъан кюн, меннге тиймесин!
- Чабакъгъа акъыл, табагъа тюшсе келеди.
- Ариу – кёзге, акъыл – джюрекге.
- Кёлсюзден сёзсюз тууар.
- Ариуну – ауруу кёб.
- Алма терегинден кери кетмез.
- Игиге айтсанг – билир, аманнга айтсанг – кюлюр.
- Чомартха Тейри да борчлуду.
- Суугъа – таянма, джаугъа – ийнанма.
- Адамны сабийин сюйген джюреги, бычакъча, джитиди.
- Ариу джол аджал келтирмез.