Эльбрусоид :: Эльбрусоид

Бёрю да ач къалмасын, эчки да ашалмасын.
Ана кёлю – балада, бала кёлю – талада.
Джаз бир кюнню джатсанг, къыш талай кюнню абынырса.
Суугъа – таянма, джаугъа – ийнанма.
Накъырданы арты керти болур.
Рысхы джалгъанды: келген да этер, кетген да этер.
Аманны эки битли тону болур, бирин сеннге кийдирир, бирин кеси киер.
Адамны адамлыгъы къыйынлыкъда айгъакъланады.
Акъыллы айтыр эди, акъылсыз къоймайды.
Джарлы тюеге минсе да, ит къабар.
Аман хансны – урлугъу кёб.
Къарнынг къанлынга кийирир.
Дууулдаса – бал чибин, къонса – къара чибин.
Хантына кёре тузу, юйюне кёре къызы.
Ёлюр джаннга, ёкюл джокъ.
Ариу сёз – джаннга азыкъ, аман сёз – башха къазыкъ.
Иги – алгъыш этер, аман – къаргъыш этер.
Ашлыкъ – бюртюкден, джюн – тюкден.
Къар – келтирди, суу – элтди.
Ач келгенни – тойдур, кеч келгенни – къондур.
Экиндини кеч къылсанг, чабыб джетер ашхам.
Тойгъандан сора, ашны сёкме.
Чакъырылмагъан джерге барма, чакъырылгъан джерден къалма.
Ишлемеген – тишлемез.
Баргъанынга кёре болур келгенинг.
Атынг аманнга чыкъгъандан эсе, джанынг тамагъынгдан чыкъсын.
Къая джолда джортма, ачыкъ сёзден къоркъма.
Эринчекге кюн узун.
Харам къарнашдан, халал тенг ашхы.
Джашынгы кесинг юретмесенг, джашау юретир.
Адам бла мюлк юлешмеген эсенг, ол адамны билиб бошагъанма, деб кесинги алдама.
Юй ишлеген балта эшикде къалыр.
Тас болгъан бычакъны сабы – алтын.
Сууда джау джокъ, кёб сёзде магъана джокъ.
Эте билген, этген этеди, эте билмеген, юретген этеди!
Къызгъанчдан ычхыныр, мухардан ычхынмаз.
Телиге от эт десенг, юйюнге от салыр.
Ёзденликни кёбю ётюрюк.
Ариу сёзде ауруу джокъ.
Акъыл бла адеб эгизледиле.
Таугъа чыгъаллыкъ эсенг, тюзде къалма.
От кюйдюрген, сау болса да, тот кюйдюрген, сау болмаз.
Арпа, будай – ащды, алтын, кюмюш а – ташды.
Джюрекден джюрекге джол барды.
Адеб базарда сатылмаз.
Джарлы джети элни сёзюн этер.
Чомартха Тейри да борчлуду.
Хар зат кесини орнуна иги.
Ашыкъгъан cуу, тенгизге джетмез.
Къонагъы джокъну – шоху джокъ.