- Терек ауса, отунчу – кёб.
- Аурууну келиую тынч, кетиую – къыйын.
- Урама да – ёледи, сатама да – келеди.
- Тенгни тенглиги джашай барсанг билинир.
- Иги адам абынса да, джангылмаз.
- Элге къуллукъ этмеген, элге ие болмаз.
- Ачлыкъда тары гырджын халыуадан татлы.
- Эрни эр этерик да, къара джер этерик да, тиширыуду.
- Борчунг бар эсе, хурджунунга ойлаб узал.
- Кийим тукъум сордурур.
- Джигер – джаннга къыйынлыкъ.
- Тас болгъан бычакъны сабы – алтын.
- Аман киши кеси юйюнде – къонакъ.
- Байны къызы баймакъ болса да, юйде къалмаз!
- Эшекге миннген – биринчи айыб, андан джыгъылгъан – экинчи айыб.
- Окъуу – билимни ачхычы, окъуу – дунияны бачхычы.
- Къонакъ аман болса, къонакъбай джунчур
- Азыкълы ат арымаз, къатыны аман джарымаз.
- Акъыллы башны – тили къысха.
- Ана къолу ачытмаз.
- Акъдан къара болмаз.
- Билген билмегенни юретген адетди.
- Кёбге таш атма.
- Эринчекге кюн узун.
- Къарын къуру болса, джюрек уру болур.
- Арба аугъандан сора, джол кёргюзтюучю кёб болур.
- Къарт бла баш аша, джаш бла аякъ аша.
- Ашына кёре табагъы, балына кёре къалагъы.
- Акъыл аздырмаз, билим тоздурмаз.
- Акъыл сабырлыкъ берир.
- Нарт сёз – тилни бети.
- Сютню башын джалагъан къутулур, тюбюн ичген тутулур.
- Баргъанынга кёре болур келгенинг.
- Зар адамны насыбы болмаз.
- Кимни – тили, тиши онглу, кимни – къолу, иши онглу.
- Бети бедерден, намыс сакълама.
- Эки къатын алгъан – эки ташны ортасына башын салгъан.
- Джол бла сёзню къыйыры джокъ.
- Кесине гебен этелмеген, биреуге черен эте эди.
- Итли къонакъ джарашмаз.
- Ачылгъан эт джабылыр, кёрген кёз унутмаз.
- Огъурлуну сёзю – суу, огъурсузну сёзю – уу.
- Тамырсыз терекге таянма – джыгъылырса.
- Джюз элде джюз ёгюзюм болгъандан эсе, джюз джууугъум болсун.
- Джюрекге ариу – кёзге да ариу.
- Джетген къыз джерли эшекни танымаз.
- Кюлме джашха – келир башха.
- Ургъан суудан башынгы сакъла.
- Тойчу джашха къарама, къойчу джашха къара.
- Къулакъдан эсе, кёзге ышан.