- Рысхы – насыбха къор.
- Сибиртки да сыйлы болду, кюрек да кюнлю болду.
- Иесиз малны бёрю ашар.
- Уясында не кёрсе, учханында аны этер.
- Эки къатын алгъан – эки ташны ортасына башын салгъан.
- Джаз бир кюнню джатсанг, къыш талай кюнню абынырса.
- Акъыллы – эл иеси, тели – эл баласы.
- Къарт айтханны этмеген, къартаймаз.
- Ашына кёре табагъы, балына кёре къалагъы.
- Юйюнг бла джау болгъандан эсе, элинг бла джау бол.
- Къазанда болса, чолпугъа чыгъар.
- Иши джокъну, сыйы джокъ.
- Чакъырылгъанны аты, чакъырылмагъанны багъасы болур.
- Атлыны ашхысы, ат тизгининден билинир
- Ач къалгъандан, кеч къалгъан къолай.
- Биреу ашаб къутулур, биреу джалаб тутулур.
- Мал тутхан – май джалар.
- Кёзю сокъурдан – къоркъма, кёлю сокъурдан – къоркъ.
- Тура эдим джата, къайдан чыкъды хата?
- Кеси юйюмде мен да ханма.
- Кюл тюбюндеги от кёрюнмейди.
- Ёлген эшек бёрюден къоркъмайды.
- Суу ичген шауданынга тюкюрме.
- Ат да турмайды бир териде.
- Ач къарынны, токъ билмез
- Накъырда – кертини келечиси.
- Сабийликде юретмесенг, уллу болса – тюзелмез.
- Къарнынг ауруса, ауузунгу тый
- Ышармагъан – кюлмез, кюлмеген – къууанчны билмез.
- Аллахдан тилесенг, кёб тиле.
- Бойнуму джети джерден кессенг да, мен ол ишни этеллик тюлме.
- Ойнай билмеген, оюн бузар.
- Джиби бир къат джетмей эди да, эки къат тарта эди.
- Телиге акъыл салгъандан эсе, ёлгеннге джан салырса.
- Ариу сёзде ауруу джокъ.
- Телиге от эт десенг, юйюнге от салыр.
- Адамны аты башхача, акъылы да башхады.
- Адам боллукъ, атламындан белгили болур.
- Этни бети бла шорпасы.
- Зарда марда джокъ.
- Ётюрюк хапар аякъ тюбю бла джюрюйдю.
- Къарнынг бла ёч алма.
- Рысхы джалгъанды: келген да этер, кетген да этер.
- Ёксюзню тилеги къабыл болур.
- Ишлегенден, къарагъан уста.
- Намысы джокъну – дуниясы джокъ.
- Къонакъ кёб келюучю юйню, къазаны отдан тюшмез.
- Тели турса – той бузар.
- Хазыр ашха – терен къашыкъ.
- Къонагъы джокъну – шоху джокъ.
Че
10.06.2013