- Джангыз торгъай джырламаз.
- Тойгъанлыкъ къойгъа джарашады.
- Чомарт къолда мал къалмаз.
- Аллахдан тилесенг, кёб тиле.
- Атынг аманнга чыкъгъандан эсе, джанынг тамагъынгдан чыкъсын.
- Ач отунчуну ачыуу – бурнунда.
- Бир онгсуз адам адет чыгъарды, деб эштирик тюлсе.
- Ишлегенде эринме, ишде чолакъ кёрюнме.
- Ёпкелегенни ашы татлы болады.
- Хар сёзню орну барды.
- Ачыкъ джюрекге джол – ачыкъ.
- Сёз къанатсыз учар.
- Ёзденликни кёбю ётюрюк.
- Ойнай-ойнай кёз чыгъар.
- Ач – эснер, ат – кишнер.
- Ашхы адам – халкъ байлыгъы, ашхы джер – джашау байлыгъы.
- Намыс болмагъан джерде, насыб болмаз.
- Кёз – сюйген джерде, къол – ауругъан джерде.
- Къарнынг тойгъунчу аша да, белинг талгъынчы ишле.
- Ачылгъан эт джабылыр, кёрген кёз унутмаз.
- Акъылсызны джууукъгъа алма, акъыллыны кенгнге салма.
- Биреуге аманлыкъны тилеме да, кесинге ашхылыкъны тиле.
- Баш болса, бёрк табылыр.
- Ашхы сёз таш тешер.
- Эри аманны, къатыны – аман.
- Кенгеш болса, уруш болмаз.
- Ётюрюкчюню шагъаты – къатында.
- Чакъырылмагъан къонакъ къачан кетерин сормаз.
- Зарда марда джокъ.
- Байны къызы баймакъ болса да, юйде къалмаз!
- Ач да бол, токъ да бол – намысынга бек бол.
- Сютню башын джалагъан къутулур, тюбюн ичген тутулур.
- Ауругъанны сау билмез, ач къарынны токъ билмез.
- Бети къызарыучу адамны, джюреги харам болмаз.
- Ёлмесенг да, къарт дамы болмазса?
- Ач, тоймам, дейди, тойгъан, ач болмам, дейди.
- Дууулдаса – бал чибин, къонса – къара чибин.
- Байдан умут эте, джарлыдан ёгюз багъасы къорады.
- Кёбню кёрген – кёб билир.
- Джылкъыдан – ат чыгъар, тукъумдан – джаш чыгъар.
- Уруну арты – къуру.
- Къолунгдан къуймакъ ашатсанг да, атаны борчундан къутулмазса.
- Тели турса – той бузар.
- Сёз садакъдан кючлюдю.
- Гугук кесини атын айтыб къычыргъанча, мен, мен деб нек тураса?
- Ашына кёре табагъы, балына кёре къалагъы.
- Чабакъсыз кёлге къармакъ салгъанлыкъгъа, чабакъ тутмазса.
- Бет бетге къараса, бет да джерге къарар.
- Мадар болса, къадар болур.
- Бюгюн дуния кибик, тамбла ахыратды.
Че
10.06.2013