- Бастасын ашагъан, хантусун да ичер.
- Иги джашны ышаны – аз сёлешиб, кёб тынгылар.
- Джарлы джети элни сёзюн этер.
- Кийиминг бла танылма, адамлыкъ бла таныл.
- Ач, тоймам, дейди, тойгъан, ач болмам, дейди.
- Кёл ашады да, кеси ашады.
- Бир абыннган – минг сюрюнюр.
- Джолунга кёре – джюрюшюнг, джагъанга кёре – юлюшюнг.
- Бети бедерден, намыс сакълама.
- Кимни – тили, тиши онглу, кимни – къолу, иши онглу.
- Байлыкъ болгъан джерде, тынчлыкъ джокъду.
- Булут кёкге джарашыу, уят бетге джарашыу.
- Къатын байлыкъны сюер, эр саулукъну сюер.
- Джуртун къоругъан озар.
- Адеби болмагъан къыз – тузсуз хант.
- Къыз келсе, джумуш эте келеди, къатын келсе, ушакъ эте келеди.
- Джети тилни билген джети кишиди.
- Эте билген, этген этеди, эте билмеген, юретген этеди!
- Абынмазлыкъ аякъ джокъ, джангылмазлыкъ джаякъ джокъ.
- Тюз сёз баргъан сууну тыяр.
- Хатерли къул болур.
- Аман эсирсе, юйюн ояр.
- Къралынгы – душмандан, башынгы от бла суудан сакъла.
- Тешик этген тынчды, аны джамагъан къыйынды.
- Келинин тута билмеген, къул этер, къызын тута билмеген, тул этер.
- Биреуге кёлтюрген таягъынг, кесинги башынга урур.
- Джолда аягъынга сакъ бол, ушакъда тилинге сакъ бол.
- Мухардан ач ычхынмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аджалсыз ёлюм болмаз.
- Башы джабылгъан челекге, кир тюшмез.
- Къарт бла баш аша, джаш бла аякъ аша.
- Ашхы адам – халкъ байлыгъы, ашхы джер – джашау байлыгъы.
- Айран тёгюлсе, джугъусу къалыр.
- Халкъгъа джарагъан, джарлы къалмаз.
- Адеб базарда сатылмаз.
- Сакъламагъан затынга джолукъсанг, не бек къууанаса, не бек ачыйса.
- Ариу сёз – джаннга азыкъ, аман сёз – башха къазыкъ.
- Дуния аламаты сен эсенг да, игиме деб айтма.
- Ёлген аслан – сау чычхан.
- Къартны сыйын кёрмеген, къартлыгъында сыйлы болмаз.
- Ата – билек, ана – джюрек!
- Биреуню эскиси биреуге джангы болмайды.
- Адам туугъан джеринде, ит тойгъан джеринде.
- Юйлю уругъа ит чабмаз.
- Сёз – кюмюш, джыр – алтын.
- Джол бла сёзню къыйыры джокъ.
- Адеб этмеген, адеб кёрмез.
- Уясында не кёрсе, учханында аны этер.
- Ауругъан – джашаудан умутчу.