- Аууздан келген, къолдан келсе, ким да патчах болур эди.
- Таукел адам тау тешер.
- Сабийликде юретмесенг, уллу болса – тюзелмез.
- Мадар болса, къадар болур.
- Тойну къарнашы – харс, джырны къарнашы – эжиу.
- Тюз сёз баргъан сууну тыяр.
- Аш кетер да бет къалыр.
- Aдам боллукъ, сыфатындан белгили.
- Чабакъсыз кёлге къармакъ салгъанлыкъгъа, чабакъ тутмазса.
- Намыс сатылыб алынмайды.
- Уллу атлама – абынырса, уллу къабма – къарылырса.
- Къонакъ аман болса, къонакъбай джунчур
- Таякъ этден ётер, тил сюекден ётер.
- Гугук кесини атын айтыб къычыргъанча, мен, мен деб нек тураса?
- Байлыкъ адамны сокъур этер.
- Хар зат кесини орнуна иги.
- Ач да бол, токъ да бол – намысынга бек бол.
- Ашхы адам – халкъ байлыгъы, ашхы джер – джашау байлыгъы.
- Ач отунчуну ачыуу – бурнунда.
- Къан бла кирген, джан бла чыгъар.
- Келгинчи, къонакъ уялыр, келгенден сора, къонакъбай уялыр.
- Ариу сёз – джаннга азыкъ, аман сёз – башха къазыкъ.
- Эртде тургъан бла эртде юйленнген сокъуранмаз.
- Абынмазлыкъ аякъ джокъ, джангылмазлыкъ джаякъ джокъ.
- Ариу джол аджал келтирмез.
- Рысхы – сют юсюнде кёмюк кибикди.
- Ачлыкъда тары гырджын халыуадан татлы.
- Ана къолу ачытмаз.
- Хаухну атма, ёнгкючню сатма.
- Эринчекни аурууу – кёб.
- Бёрю да ач къалмасын, эчки да ашалмасын.
- Джангызны оту джарыкъ джанмаз!
- Ариу сёз – къылычдан джити.
- Аякъларынгы джууургъанынга кёре узат.
- Аллахха ийнаннган кишини, Аллах онгдурур ишин.
- Чомарт джарлы болмаз.
- Ишлемеген – тишлемез.
- Тил – миллетни джаны.
- Билгенни къолу къарны джандырыр.
- Кесинге джетмегенни, кёб сёлешме.
- Кесине оноу эте билмеген, халкъына да эте билмез.
- Кёбге таш атма.
- Акъылсызны джууукъгъа алма, акъыллыны кенгнге салма.
- Адам боллукъ, атламындан белгили болур.
- Аман эсирсе, юйюн ояр.
- Къатын байлыкъны сюер, эр саулукъну сюер.
- Ана кёлю – балада, бала кёлю – талада.
- Сабий кёргенин унутмаз.
- Башынга джетмегенни сорма.
- Аууз сакълагъан – джан сакълар.
Че
10.06.2013