- Окъ къызбайны джокълайды.
- Бюгюн дуния кибик, тамбла ахыратды.
- Аман киши кеси юйюнде – къонакъ.
- Намысы джокъну – дуниясы джокъ.
- Джыланны къуйругъундан басарынг келсе, аны башы болгъанын унутма.
- Соргъан айыб тюлдю, билмеген айыбды.
- Хоншуну тауугъу къаз кёрюнюр, келини къыз кёрюнюр.
- Адамны артындан къара сабан сюрме.
- Байлыкъ болгъан джерде, тынчлыкъ джокъду.
- Къанны къан бла джуума, аманны аман бла къуума.
- Адам туугъан джеринде, ит тойгъан джеринде.
- Окъуу – билимни ачхычы, окъуу – дунияны бачхычы.
- Къарын къуру болса, джюрек уру болур.
- Ашлыкъны арба юйге келтирир, чана базаргъа элтир.
- Чакъырылмагъан къонакъ къачан кетерин сормаз.
- Кёкдеги болмаса, джердегин кёрмейди.
- Аман къатын алгъан, арыр, иги къатын алгъан джарыр.
- Босагъа таш юйге кирмей эди, тыбыр таш эшикге чыкъмай эди.
- Ана къолу ачытмаз.
- Телини эшигин, махтау джабар.
- Къумурсхала джыйылсала, пилни да джыгъадыла.
- Къонакъ болсанг, ийнакъ бол.
- Эл тойса, тоймагъан, эл къойса, къоймагъан.
- Къызгъанчдан ычхыныр, мухардан ычхынмаз.
- Ачыу алгъа келсе, акъыл артха къалады.
- Джюрек кёзден алгъа кёрюр.
- Чомарт къонакъ юй иесин сыйлар.
- Къартны сыйын кёрмеген, къартлыгъында сыйлы болмаз.
- Таякъ этден ётер, тил сюекден ётер.
- Джумушакъ сёз къаты таякъны сындырыр.
- Керилген да, ургъан кибикди.
- Дуния мал дунияда къалады.
- Ашда уялгъан – мухар, ишде уялгъан – хомух.
- Эртде тургъан джылкъычыны эркек аты тай табар.
- Тюз сёз баргъан сууну тыяр.
- Хар зат кесини орнуна иги.
- Билимли ёлмез, билимсиз кёрмез.
- Джангыз терек къынгыр ёсер.
- Билеги кючлю, бирни джыгъар, билими кючлю, мингни джыгъар.
- Ата Джуртуму башы болмасам да, босагъасында ташы болайым.
- Чомарт бергенин айтмаз.
- Бермеген къол, алмайды.
- Ач бёрюге мекям джокъ.
- Сакъалы текени да бар, мыйыгъы киштикни да бар.
- Аманнга алтын чыдамаз.
- Танг атмайма десе да, кюн къоярыкъ тюйюлдю.
- Олтуруб кёрюнмей эди да, ёрге туруб кёрюне эди.
- Адеб базарда сатылмаз.
- Кирсизни – саны таза, халалны – къаны таза.
- Ат да турмайды бир териде.