- Эрине къаргъыш этген къатын, эрнин къабар.
- Ачыкъ джюрекге джол – ачыкъ.
- Бичгенде ашыкъма, тикгенде ашыкъ.
- Къозулугъунда тоймагъан, къойлугъунда тоймаз.
- Баргъанынга кёре болур келгенинг.
- Джылкъыдан – ат чыгъар, тукъумдан – джаш чыгъар.
- Аш берме да, къаш бер.
- Ашатыргъа иш – ашхы, ишлетирге аш – ашхы.
- Адамны бетине къарама, адетине къара.
- Ата джурт – алтын бешик.
- Ётюрюкден тюбю джокъ, кёлтюрюрге джиби джокъ.
- Алгъанда – джууукъ, бергенде – джау.
- Тешигини къатында, чычхан да батыр болур.
- Ач келгенни – тойдур, кеч келгенни – къондур.
- Азыкъ аз болса, эртде орун сал.
- Уллу къашыкъ эрин джыртар.
- Ёлген аслан – сау чычхан.
- Окъугъан озар, окъумагъан тозар.
- Уллу суу бла уллу ауруудан башынгы сакъла.
- Хоншуну тауугъу къаз кёрюнюр, келини къыз кёрюнюр.
- Болджал ишни бёрю ашар.
- Агъач – джерни чырайы, кийим – эрни чырайы.
- Джиби бир къат джетмей эди да, эки къат тарта эди.
- Бети – къучакълар, джюреги – бычакълар.
- Таукел тауну аудурур.
- Чарсда алчыны эл кёреди.
- Айыбны суу бла джууалмазса.
- Ётюрюк хапар аякъ тюбю бла джюрюйдю.
- Джашынгы кесинг юретмесенг, джашау юретир.
- Джылар джаш, атасыны сакъалы бла ойнар.
- Чомарт бергенин айтмаз.
- Дууулдаса – бал чибин, къонса – къара чибин.
- Тойну къарнашы – харс, джырны къарнашы – эжиу.
- Аманны эки битли тону болур, бирин сеннге кийдирир, бирин кеси киер.
- Къууут – джелге, берне – бошха.
- Ат да турмайды бир териде.
- Ашхы тенг джолгъа салыр, аман тенг джолдан тайдырыр.
- Кёб джашагъан – кёб билир.
- Соргъан айыб тюлдю, билмеген айыбды.
- Джолунга кёре – джюрюшюнг, джагъанга кёре – юлюшюнг.
- Ач къарынны, токъ билмез
- Кёбден умут этиб, аздан къуру къалма.
- Сакъламагъан затынга джолукъсанг, не бек къууанаса, не бек ачыйса.
- Термилгенинги табмазса, кюлгенинге тюберсе.
- Тенгинг джокъ эсе – изле, бар эсе – сакъла!
- Джырына кёре эжиую.
- Ётген ёмюр – акъгъан суу.
- Кюн – узун, ёмюр – къысха.
- Бал чибинни ургъаны – ачы, балы – татлы.
- Окъумагъан сокъурду, сокъур ташха абыныр!
