- Тилчи бир сагъатха айлыкъ хата этер.
- Гугурук къычырмаса да, тангны атары къалмаз.
- Кесине гебен этелмеген, биреуге черен эте эди.
- Ашхы атаны – джашы ашхы, ашхы ананы – къызы ашхы.
- Джылыгъа джылан илешир.
- Байлыкъдан саулукъ ашхыды.
- Кенгеш болса, уруш болмаз.
- Ханнга да келеди хариблик.
- Къуру гыбыт бек дыгъырдар.
- Билимли ёлмез, билимсиз кёрмез.
- Адам къыйынлыгъын кёлтюрюр, зауукълугъун кёлтюрмез.
- Бек ашыкъгъан меннге джетсин, дегенди аракъы.
- Азыкъ аз болса, эртде орун сал.
- Намысы болмагъанны, сыйы болмаз.
- Алим болгъандан эсе, адам болгъан къыйынды.
- Башы джабылгъан челекге, кир тюшмез.
- Ышармагъан – кюлмез, кюлмеген – къууанчны билмез.
- Ариу сёзде ауруу джокъ.
- Акъыл неден да кючлюдю.
- Джетген къыз джерли эшекни танымаз.
- Ана – юйню кюн джарыгъы.
- Ойнай билмеген, уруб къачар.
- Юреннген ауруу къалмаз.
- Билим – акъылны чырагъы.
- Ауругъан – джашаудан умутчу.
- Къыз чыгъаргъан – къызыл къымжа.
- Экеу тутушса, биреу джыгъылыр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Айтылгъан буйрукъ, сёгюлмез
- Хоншуну тауугъу къаз кёрюнюр, келини къыз кёрюнюр.
- Къартны сыйын кёрмеген, къартлыгъында сыйлы болмаз.
- Аз сёлеш, кёб ишле.
- Хар зат кесини орнуна иги.
- Таукел тауну аудурур.
- Минг тенг да азды, бир джау да кёбдю.
- Аурууну келиую тынч, кетиую – къыйын.
- Адеб джокъда, намыс джокъ.
- Битмегеннге сакъал – танг.
- Этни бети бла шорпасы.
- Айыбны суу бла джууалмазса.
- Аш иеси бла татлыды.
- «Ма», - дегенни билмесенг, «бер», - дегенни билмезсе.
- Мени джылытмагъан кюн, меннге тиймесин!
- Тамбла алтындан бюгюн багъыр ашхы.
- Тилчиден кери бол.
- Биреуню къыйынлыгъы бла кесинге джол ишлеме.
- Эр сокъур болсун, къатын тилсиз болсун.
- Сакъалы текени да бар, мыйыгъы киштикни да бар.
- Ёксюзню тилеги къабыл болур.
- Этим кетсе да, сюегим къалыр.
|
Хожаев
|
